Woh Aadat Hai To Aadat Se Kinaare Ho Bhi Sakta Hai
Poet: Arfia Shahzad
Woh Aadat Hai To Aadat Se Kinaare Ho Bhi Sakta Hai
Magar Is Saari Koshish Mein Khasara Ho Bhi Sakta Hai
Rahein Ge Saath Phir Bhi Hum Mohabbat Mar Gayi Kya Gham
Ke Masnoi Tanaffus Par Guzara Ho Bhi Sakta Hai
Agar Aankhein Na Bhar Aayein To Dil Muthi Mein Aaye Ga
Hua Hai Haal Jo Mera Tumhara Ho Bhi Sakta Hai
Khuli Aankhon Mein Thehra Khwab Kaise Toot Sakta Hai
Gumaan Yeh Zindagi Bhar Ka Sahara Ho Bhi Sakta Hai
Jo Itni Jagmagahat Dekhte Ho Aas Paas Apne
Yeh Meri Aankh Se Toota Sitara Ho Bhi Sakta Hai
Humein Hairat Se Mat Dekho Ab Aisa Kya Kiya Humne
Zameeni Ishq Hai Sahab Dobara Ho Bhi Sakta Hai
وہ عادت ہے تو عادت سے کنارے ہو بھی سکتا ہے
مگر اس ساری کوشش میں خسارہ ہو بھی سکتا ہے
رہیں گے ساتھ پھر بھی ہم محبت مر گئی کیا غم
کہ مصنوعی تنفس پر گزارا ہو بھی سکتا ہے
اگر آنکھیں نہ بھر آئیں تو دل مٹھی میں آئے گا
ہوا ہے حال جو میرا تمہارا ہو بھی سکتا ہے
کھلی آنکھوں میں ٹھہرا خواب کیسے ٹوٹ سکتا ہے
گماں یہ زندگی بھر کا سہارا ہو بھی سکتا ہے
جو اتنی جگمگاہٹ دیکھتے ہو آس پاس اپنے
یہ میری آنکھ سے ٹوٹا ستارہ ہو بھی سکتا ہے
ہمیں حیرت سے مت دیکھو اب ایسا کیا کیا ہم نے
زمینی عشق ہے صاحب دوبارہ ہو بھی سکتا ہے
2 Line Chand Poetry in Urdu Text
Ojhal Sahi Nigah Se Dooba Nahin Hoon Main
Aap Ko Dekh Kar Dekhta Rah Gaya
