Mujhe Apne Zabt Pe Naaz Tha - Urdu Ghazal

Mujhe Apne Zabt Pe Naaz Tha Sar Bazm Raat Ye Kya Hua
Meri Aankh Kaise Chhalak Gayi Mujhe Ranj Hai Ye Bura Hua

Meri Zindagi Ke Chiraagh Ka Ye Mizaaj Koi Naya Nahi
Abhi Roshni Abhi Tairagi Na Jala Hua Na Buja Hua

Mujhe Jo Bhi Dushman-e-Jaan Mila Wohi Pukhta Kaar-e-Jafa Mila
Na Kisi Ki Zarb Ghalat Pari Na Kisi Ka Teer Khata Hua

Mujhe Aap Kyun Na Samajh Sake Ye Khud Apne Dil Hi Se Poochiye
Meri Dastaan-e-Hayat Ka To Waraq Waraq Hai Khula Hua

Jo Nazar Bacha Ke Guzar Gaye Mere Samne Se Abhi Abhi
Ye Mere Hi Shehar Ke Log The Mere Ghar Se Ghar Hai Mila Hua

Humein Is Ka Koi Bhi Haq Nahi Ke Shareek-e-Bazm-e-Khuloos Hon
Na Hamare Paas Naqaab Hai Na Kuch Aasteen Mein Chhupa Hua

Mujhe Ek Gali Mein Pada Hua Kisi Bad Naseeb Ka Khat Mila
Kahin Khoon-e-Dil Se Likha Hua Kahin Aansuo’n Se Mita Hua

Mujhe Hum-Safar Bhi Mila Koi To Shikasta Haal Meri Tarah
Kayi Manzilon Ka Thaka Hua Kahin Raaston Mein Luta Hua

Humein Apne Ghar Se Chale Hue Sar-e-Raah Umar Guzar Gayi
Koi Justuju Ka Sila Mila Na Safar Ka Haq Hi Ada Hua

مجھے اپنے ضبط پہ ناز تھا سر بزم رات یہ کیا ہوا
مری آنکھ کیسے چھلک گئی مجھے رنج ہے یہ برا ہوا

مری زندگی کے چراغ کا یہ مزاج کوئی نیا نہیں
ابھی روشنی ابھی تیرگی نہ جلا ہوا نہ بجھا ہوا

مجھے جو بھی دشمن جاں ملا وہی پختہ کار جفا ملا
نہ کسی کی ضرب غلط پڑی نہ کسی کا تیر خطا ہوا

مجھے آپ کیوں نہ سمجھ سکے یہ خود اپنے دل ہی سے پوچھیے
مری داستان حیات کا تو ورق ورق ہے کھلا ہوا

جو نظر بچا کے گزر گئے مرے سامنے سے ابھی ابھی
یہ مرے ہی شہر کے لوگ تھے مرے گھر سے گھر ہے ملا ہوا

ہمیں اس کا کوئی بھی حق نہیں کہ شریک بزم خلوص ہوں
نہ ہمارے پاس نقاب ہے نہ کچھ آستیں میں چھپا ہوا

مجھے اک گلی میں پڑا ہوا کسی بد نصیب کا خط ملا
کہیں خون دل سے لکھا ہوا کہیں آنسوؤں سے مٹا ہوا

مجھے ہم سفر بھی ملا کوئی تو شکستہ حال مری طرح
کئی منزلوں کا تھکا ہوا کہیں راستوں میں لٹا ہوا

ہمیں اپنے گھر سے چلے ہوئے سر راہ عمر گزر گئی
کوئی جستجو کا صلہ ملا نہ سفر کا حق ہی ادا ہوا

Mujhe Apne Zabt Pe Naaz Tha – Urdu Ghazal