Urdu Ghazal: Jo Ho Saka Na Mera Us Ko Bhool Jaoon Main
Poet: Shahryar
Jo Ho Saka Na Mera Us Ko Bhool Jaoon Main
Parai Aag Mein Kyun Ungliyan Jalaoon Main
Woh Ab Ke Jaye To Phir Laut Kar Na Aaye Kabhi
Bhulaaye Aise Ke Phir Yaad Bhi Na Aaon Main
Sakhi Rahe Woh Sada Apne Ghar Ke Aangan Mein
Us Ek Dua Ke Liye Haath Ab Uthaoon Main
Nayi Raton Ke Jhamelay Hon Us Ka Zaad-E-Safar
Shikast-E-Arz-E-Tamna Pe Gungunaoon Main
Uthaye Naaz Wohi Jis Ki Woh Amanat Hai
Na Roothay Mujh Se Na Ja Kar Usay Manaoon Main
Woh Roti Aankhon Kare Chaak Meri Tasveerein
Ek Ek Kar Ke Sabhi Us Ke Khat Jalaoon Main
Utha Ke Dekhe Woh Khidki Ke Reshmi Parday
To Chahne Pe Bhi Us Ko Nazar Na Aaon Main
Hawa Ke Haath Bhi Paighaam Woh Agar Bhejay
Khayaal Ban Ke Bhi Us Ke Nagar Na Jaoon Main
Woh Haadsaate Ki Hararat Se Jab Pighalne Lage
To Chaand Ban Ke Khunk Dil Mein Jagmugaoon Main
جو ہو سکا نہ مرا اس کو بھول جاؤں میں
پرائی آگ میں کیوں انگلیاں جلاؤں میں
وہ اب کے جائے تو پھر لوٹ کر نہ آئے کبھی
بھلائے ایسے کہ پھر یاد بھی نہ آؤں میں
سکھی رہے وہ سدا اپنے گھر کے آنگن میں
اس اک دعا کے لئے ہاتھ اب اٹھاؤں میں
نئی رتوں کے جھمیلے ہوں اس کا زاد سفر
شکست عرض تمنا پہ گنگناؤں میں
اٹھائے ناز وہی جس کی وہ امانت ہے
نہ روٹھے مجھ سے نہ جا کر اسے مناؤں میں
وہ روتی آنکھوں کرے چاک میری تصویریں
اک ایک کر کے سبھی اس کے خط جلاؤں میں
اٹھا کے دیکھے وہ کھڑکی کے ریشمی پردے
تو چاہنے پہ بھی اس کو نظر نہ آؤں میں
ہوا کے ہاتھ بھی پیغام وہ اگر بھیجے
خیال بن کے بھی اس کے نگر نہ جاؤں میں
وہ حادثات کی حدت سے جب پگھلنے لگے
تو چاند بن کے خنک دل میں جگمگاؤں میں
