Pura Dukh Aur Aadha Chaand
Parveen Shakir Poetry
Pura Dukh Aur Aadha Chaand
Hijr Ki Shab Aur Aisa Chaand
Din Mein Wehshat Behal Gayi
Raat Hui Aur Nikla Chaand
Kis Maqtal Se Guzra Hoga
Itna Sehma Sehma Chaand
Yaadon Ki Aabaad Gali Mein
Ghoom Raha Hai Tanha Chaand
Meri Karwat Par Jaag Uthe
Neend Ka Kitna Kachha Chaand
Mere Munh Ko Kis Hairat Se
Dekh Raha Hai Bhoola Chaand
Itne Ghane Baadal Ke Peechhe
Kitna Tanha Hoga Chaand
Aansu Roke Noor Nahaye
Dil Darya Tan Sehra Chaand
Itne Roshan Chehre Par Bhi
Sooraj Ka Hai Saaya Chaand
Jab Paani Mein Chehra Dekha
Tu Ne Kis Ko Socha Chaand
Bargad Ki Ek Shaakh Hata Kar
Jaane Kis Ko Jhanka Chaand
Baadal Ke Resham Jhoolay Mein
Bhor Same Tak Soya Chaand
Raat Ke Shaane Par Sar Rakhe
Dekh Raha Hai Sapna Chaand
Sookhe Patton Ke Jhirmat Par
Shabnam Thi Ya Nanha Chaand
Haath Hila Kar Rukhsat Hoga
Is Ki Soorat Hijr Ka Chaand
Sehra Sehra Bhatak Raha Hai
Apne Ishq Mein Sacha Chaand
Raat Ke Shayad Ek Bajay Hain
Sota Hoga Mera Chaand
پورا دکھ اور آدھا چاند
ہجر کی شب اور ایسا چاند
دن میں وحشت بہل گئی
رات ہوئی اور نکلا چاند
کس مقتل سے گزرا ہوگا
اتنا سہما سہما چاند
یادوں کی آباد گلی میں
گھوم رہا ہے تنہا چاند
میری کروٹ پر جاگ اٹھے
نیند کا کتنا کچا چاند
میرے منہ کو کس حیرت سے
دیکھ رہا ہے بھولا چاند
اتنے گھنے بادل کے پیچھے
کتنا تنہا ہوگا چاند
آنسو روکے نور نہائے
دل دریا تن صحرا چاند
اتنے روشن چہرے پر بھی
سورج کا ہے سایا چاند
جب پانی میں چہرہ دیکھا
تو نے کس کو سوچا چاند
برگد کی اک شاخ ہٹا کر
جانے کس کو جھانکا چاند
بادل کے ریشم جھولے میں
بھور سمے تک سویا چاند
رات کے شانے پر سر رکھے
دیکھ رہا ہے سپنا چاند
سوکھے پتوں کے جھرمٹ پر
شبنم تھی یا ننھا چاند
ہاتھ ہلا کر رخصت ہوگا
اس کی صورت ہجر کا چاند
صحرا صحرا بھٹک رہا ہے
اپنے عشق میں سچا چاند
رات کے شاید ایک بجے ہیں
سوتا ہوگا میرا چاند
Tum Aaye Ho Na Shab-E-Intezaar Guzri Hai – Faiz
Mujhe Apne Zabt Pe Naaz Tha – Urdu Ghazal
