Kuch Kehne Ka Waqt Nahin Ye | Ibn-e-Insha Poetry

Kuch Kehne Ka Waqt Nahin Ye Kuch Na Kaho Khamosh Raho
Ae Logon Khamosh Raho Haan Ae Logon Khamosh Raho

Sach Achha Par Is Ke Jalo Mein Zehar Ka Hai Ek Pyala Bhi
Pagal Ho Kyun Nahaq Ko Suqraat Bano Khamosh Raho

Un Ka Ye Kehna Suraj Hi Dharti Ke Pheray Karta Hai
Sar Aankhon Par Suraj Hi Ko Ghoomne Do Khamosh Raho

Mahbas Mein Kuch Habs Hai Aur Zanjeer Ka Aahan Chubhta Hai
Phir Socho Haan Phir Socho Haan Phir Socho Khamosh Raho

Garam Aansoo Aur Thandi Aahen Man Mein Kya Kya Mausam Hain
Is Baghiya Ke Bhed Na Kholo Sair Karo Khamosh Raho

Aankhen Mond Kinare Baitho Man Ke Rakho Band Kawaar
Insha Ji Lo Dhaga Lo Aur Lab Si Lo Khamosh Raho

کچھ کہنے کا وقت نہیں یہ کچھ نہ کہو خاموش رہو
اے لوگو خاموش رہو ہاں اے لوگو خاموش رہو

سچ اچھا پر اس کے جلو میں زہر کا ہے اک پیالہ بھی
پاگل ہو کیوں ناحق کو سقراط بنو خاموش رہو

ان کا یہ کہنا سورج ہی دھرتی کے پھیرے کرتا ہے
سر آنکھوں پر سورج ہی کو گھومنے دو خاموش رہو

محبس میں کچھ حبس ہے اور زنجیر کا آہن چبھتا ہے
پھر سوچو ہاں پھر سوچو ہاں پھر سوچو خاموش رہو

گرم آنسو اور ٹھنڈی آہیں من میں کیا کیا موسم ہیں
اس بگیا کے بھید نہ کھولو سیر کرو خاموش رہو

آنکھیں موند کنارے بیٹھو من کے رکھو بند کواڑ
انشاؔ جی لو دھاگا لو اور لب سی لو خاموش رہو