Thodi Der Ko Ji Behla Tha
Nasir Kazmi Poetry
Thodi Der Ko Ji Behla Tha
Phir Teri Yaad Ne Ghair Liya Tha
Yaad Aayi Woh Pehli Barish
Jab Tujhe Ek Nazar Dekha Tha
Hare Glass Mein Chand Ke Tukde
Lal Surahi Mein Sona Tha
Chand Ke Dil Mein Jalta Suraj
Phool Ke Seene Mein Kaanta Tha
Kaaghaz Ke Dil Mein Chingaari
Khas Ki Zuban Par Angaara Tha
Dil Ki Soorat Ka Ek Patta
Teri Hatheli Par Rakha Tha
Shaam To Jaise Khwab Mein Guzri
Aadhi Raat Nasha Toota Tha
Shehar Se Door Hare Jungle Mein
Barish Ne Humein Ghair Liya Tha
Subah Hui To Sab Se Pehle
Maine Tera Munh Dekha Tha
Der Ke Baad Mere Aangan Mein
Surkh Anar Ka Phool Khila Tha
Der Ke Murjhaaye Pedon Ko
Khushboo Ne Abaad Kiya Tha
Shaam Ki Gehri Oonchai Se
Hum Ne Darya Ko Dekha Tha
Yaad Aayeen Kuch Aisi Baaten
Main Jinhein Kab Ka Bhool Chuka Tha
تھوڑی دیر کو جی بہلا تھا
پھر تری یاد نے گھیر لیا تھا
یاد آئی وہ پہلی بارش
جب تجھے ایک نظر دیکھا تھا
ہرے گلاس میں چاند کے ٹکڑے
لال صراحی میں سونا تھا
چاند کے دل میں جلتا سورج
پھول کے سینے میں کانٹا تھا
کاغذ کے دل میں چنگاری
خس کی زباں پر انگارہ تھا
دل کی صورت کا اک پتا
تیری ہتھیلی پر رکھا تھا
شام تو جیسے خواب میں گزری
آدھی رات نشہ ٹوٹا تھا
شہر سے دور ہرے جنگل میں
بارش نے ہمیں گھیر لیا تھا
صبح ہوئی تو سب سے پہلے
میں نے تیرا منہ دیکھا تھا
دیر کے بعد مرے آنگن میں
سرخ انار کا پھول کھلا تھا
دیر کے مرجھائے پیڑوں کو
خوشبو نے آباد کیا تھا
شام کی گہری اونچائی سے
ہم نے دریا کو دیکھا تھا
یاد آئیں کچھ ایسی باتیں
میں جنہیں کب کا بھول چکا تھا
