Koi Haalat Nahi Yeh Haalat Hai - Jaun Elia Poetry

Koi Haalat Nahi Yeh Haalat Hai
Yeh To Ashoob Naak Soorat Hai

Anjuman Mein Yeh Meri Khamoshi
Bardbaari Nahi Hai Wahshat Hai

Tujh Se Yeh Gaah Gaah Ka Shikwa
Jab Talak Hai Basa Ghanimat Hai

Khawahishen Dil Ka Saath Chhod Gayi
Yeh Azayat Bari Azayat Hai

Log Masroof Jante Hain Mujhe
Yahaan Mera Gham Hi Meri Fursat Hai

Tanz Piraaya-e-Tabasum Mein
Is Takalluf Ki Kya Zaroorat Hai

Hum Ne Dekha To Hum Ne Yeh Dekha
Jo Nahi Hai Woh Khoobsurat Hai

Waar Karne Ko Jaan Nisaaar Aayein
Yeh To Isaaar Hai Inayat Hai

Garm Joshi Aur Is Qadar Kya Baat
Kya Tumhein Mujh Se Kuch Shikayat Hai

Ab Nikal Aao Apne Andar Se
Ghar Mein Samaaan Ki Zaroorat Hai

Aaj Ka Din Bhi Aish Se Guzra
Sar Se Pa Tak Badan Salaamat Hai

کوئی حالت نہیں یہ حالت ہے
یہ تو آشوب ناک صورت ہے

انجمن میں یہ میری خاموشی
بردباری نہیں ہے وحشت ہے

تجھ سے یہ گاہ گاہ کا شکوہ
جب تلک ہے بسا غنیمت ہے

خواہشیں دل کا ساتھ چھوڑ گئیں
یہ اذیت بڑی اذیت ہے

لوگ مصروف جانتے ہیں مجھے
یاں مرا غم ہی میری فرصت ہے

طنز پیرایۂ تبسم میں
اس تکلف کی کیا ضرورت ہے

ہم نے دیکھا تو ہم نے یہ دیکھا
جو نہیں ہے وہ خوبصورت ہے

وار کرنے کو جاں نثار آئیں
یہ تو ایثار ہے عنایت ہے

گرم جوشی اور اس قدر کیا بات
کیا تمہیں مجھ سے کچھ شکایت ہے

اب نکل آؤ اپنے اندر سے
گھر میں سامان کی ضرورت ہے

آج کا دن بھی عیش سے گزرا
سر سے پا تک بدن سلامت ہے

Read More Jaun Elia Poetry:

Koi Haalat Nahi Yeh Haalat Hai – Jaun Elia Poetry