Poem: Abhi to Main Jawan Hoon
Poet: Hafeez Jalandhari
Hawa Bhi Khushgawaar Hai
Gulon Pe Bhi Nikhaar Hai
Taranum Hazaar Hai
Bahaar Par Bahaar Hai
Kahan Chala Hai Saqiya
Idhar To Laut, Idhar To Aa
Are Yeh Dekhta Hai Kya
Utha Sabu, Sabu Utha
Sabu Utha Pyaala Bhar
Pyaala Bhar Ke De Idhar
Chaman Ki Simt Kar Nazar
Samaan To Dekh Be Khabar
Woh Kaali Kaali Badliyan
Ufaq Pe Ho Gayi Ayaan
Woh Ek Hujoom Maykashaan
Hai Soye Maykada Rawaan
Yeh Kya Gumaan Hai Bad Gumaan
Samajh Na Mujh Ko Na-Tawaan
Khayaal-e-Zuhd Abhi Kahan
Abhi To Main Jawaan Hoon
Ibadaton Ka Zikr Hai
Nijaat Ki Bhi Fikr Hai
Junoon Hai Sawaab Ka
Khayaal Hai Azaab Ka
Magar Suno To Sheikh Ji
Ajeeb Shay Hain Aap Bhi
Bhala Shabaab-o-Aashiqi
Alag Hue Bhi Hain Kabhi?
Haseen Jalwah Raiz Hoon
Adaayein Fitna Khaiz Hoon
Hawaayein ‘Itr Baiz Hoon
To Shauq Kyun Na Taiz Hoon?
Nigaar Haye Fitna Gar
Koi Idhar, Koi Udhar
Ubhaarte Hon Aish Par
To Kya Kare Koi Bashar?
Chalo Ji Qissa Mukhtasir
Tumhara Nuqta-e-Nazar
Durust Hai To Ho Magar
Abhi To Main Jawaan Hoon
Yeh Gasht Kohsaar Ki
Yeh Sair Juy-e-Baar Ki
Yeh Bulbulon Ke Chehchehe
Yeh Gul Rukhon Ke Qahqahae
Kisi Se Mail Ho Gaya
To Ranj-o-Fikr Kho Gaya
Kabhi Jo Bakht So Gaya
Yeh Hans Gaya, Woh Ro Gaya
Yeh Ishq Ki Kahaniyan
Yeh Ras Bhari Jawaniyan
Idhar Se Meherbaniyan
Udhar Se Lun Taraniyan
Yeh Aasmaan, Yeh Zameen
Nazaara Haye Dil Nasheen
Inhein Hayat Aafreen
Bhula Main Chhod Dun Yahin?
Hai Maut Is Qadar Qareen
Mujhe Na Aayega Yaqeen
Nahin, Nahin, Abhi Nahin
Abhi To Main Jawaan Hoon
Na Gham Kushud-o-Bast Ka
Buland Ka Na Past Ka
Na Bood Ka, Na Hast Ka
Na Wa’ada-e-Alast Ka
Umeed Aur Yaas Gum
Hawaas Gum, Qiyaas Gum
Nazar Se Aas-Paas Gum
Hama Baja Gilaas Gum
Na May Mein Kuch Kami Rahe
Qadah Se Hamdami Rahe
Nisht Yeh Jami Rahe
Yahi Hama-Hami Rahe
Woh Raag Chhed Mutriba
Tarab Fiza, Alam Ruba
Asar Sadaaye Saaz Ka
Jigar Mein Aag De Laga
Har Ek Lab Pe Ho Sada
Na Haath Rok Saqiya
Pilaye Ja, Pilaye Ja
Abhi To Main Jawaan Hoon
ہوا بھی خوش گوار ہے
گلوں پہ بھی نکھار ہے
ترنم ہزار ہے
بہار پر بہار ہے
کہاں چلا ہے ساقیا
ادھر تو لوٹ ادھر تو آ
ارے یہ دیکھتا ہے کیا
اٹھا سبو سبو اٹھا
سبو اٹھا پیالہ بھر
پیالہ بھر کے دے ادھر
چمن کی سمت کر نظر
سماں تو دیکھ بے خبر
وہ کالی کالی بدلیاں
افق پہ ہو گئیں عیاں
وہ اک ہجوم مے کشاں
ہے سوئے مے کدہ رواں
یہ کیا گماں ہے بد گماں
سمجھ نہ مجھ کو ناتواں
خیال زہد ابھی کہاں
ابھی تو میں جوان ہوں
عبادتوں کا ذکر ہے
نجات کی بھی فکر ہے
جنون ہے ثواب کا
خیال ہے عذاب کا
مگر سنو تو شیخ جی
عجیب شے ہیں آپ بھی
بھلا شباب و عاشقی
الگ ہوئے بھی ہیں کبھی
حسین جلوہ ریز ہوں
ادائیں فتنہ خیز ہوں
ہوائیں عطر بیز ہوں
تو شوق کیوں نہ تیز ہوں
نگار ہائے فتنہ گر
کوئی ادھر کوئی ادھر
ابھارتے ہوں عیش پر
تو کیا کرے کوئی بشر
چلو جی قصہ مختصر
تمہارا نقطۂ نظر
درست ہے تو ہو مگر
ابھی تو میں جوان ہوں
یہ گشت کوہسار کی
یہ سیر جوئے بار کی
یہ بلبلوں کے چہچہے
یہ گل رخوں کے قہقہے
کسی سے میل ہو گیا
تو رنج و فکر کھو گیا
کبھی جو بخت سو گیا
یہ ہنس گیا وہ رو گیا
یہ عشق کی کہانیاں
یہ رس بھری جوانیاں
ادھر سے مہربانیاں
ادھر سے لن ترانیاں
یہ آسمان یہ زمیں
نظارہ ہائے دل نشیں
انہیں حیات آفریں
بھلا میں چھوڑ دوں یہیں
ہے موت اس قدر قریں
مجھے نہ آئے گا یقیں
نہیں نہیں ابھی نہیں
ابھی تو میں جوان ہوں
نہ غم کشود و بست کا
بلند کا نہ پست کا
نہ بود کا نہ ہست کا
نہ وعدۂ الست کا
امید اور یاس گم
حواس گم قیاس گم
نظر سے آس پاس گم
ہمہ بجز گلاس گم
نہ مے میں کچھ کمی رہے
قدح سے ہمدمی رہے
نشست یہ جمی رہے
یہی ہما ہمی رہے
وہ راگ چھیڑ مطربا
طرب فزا، الم ربا
اثر صدائے ساز کا
جگر میں آگ دے لگا
ہر ایک لب پہ ہو صدا
نہ ہاتھ روک ساقیا
پلائے جا پلائے جا
ابھی تو میں جوان ہوں
Read More:
Hum Hi Mein Thi Na Koi Baat, Yaad Na Tum Ko Aa Sake – Hafeez Jalandhari
Rafaqaton Mein Peshimaniyan To Hoti Hain – Ahmad Faraz
