Yeh Duniya Hai, Yahan Pe Dastaanen Maar Deti Hain
Yeh Duniya Hai, Yahan Pe Dastaanen Maar Deti Hain,
Yahan Rasmon Rawaajon Ki Chataanen Maar Deti Hain.
Tumhe Mehboob Ki Zulfon Ke Bal Jeene Nahin Dete,
Humein Ghalib Ke Misron Ki Uthaanen Maar Deti Hain.
Teri Aankhon Ki Masti Dekh Kar Waiz Ki Yaad Aayi,
Woh Kehta Tha Sharaabon Ki Dukaanen Maar Deti Hain.
Kayi Ghairon Ke Meethe Bol Sun Ke Jaan Padti Hai,
Kayi Apnon Ki Zehreeli Zabaanen Maar Deti Hain.
Ana Ki Seedhiyan Chadhte Hue Yeh Bhool Na Jaana,
Parindon Ko Bahut Oonchi Udaanain Maar Deti Hain.
Ameer-e-Sheher Mein Aur Hum Mein Qadr-e-Mushtarak To Hai,
Humein Pathar, Use Sone Ki Kaanen Maar Deti Hain.
Kahan Ja Kar Rapat Likhwaayen Woh Maqtool, Ke Jin Ko,
Tere Abroo Ki Yeh Qaatil Kamaanen Maar Deti Hain.
Yahan Pardes Mein Bachche Ajab Si Kashmakash Mein Hain,
Yahan Jazbaat Ko Do Do Zabaanen Maar Deti Hain.
Mujhe Marte Hue Kehne Lagi Hawwa Ki Ik Beti,
Yahan Rishte Nibhaane Ki Thakaanen Maar Deti Hain.
Faqat Bete Hi Hote Hain Yahan Jageer Ke Waaris,
Agarche Betiyan Khidmat Mein Jaanen Maar Deti Hain.
Mubarak, Ek To Mauzoo Tumhaare Jaanlewa Hain,
Phir Is Pe Dard Se Labrez Taanen Maar Deti Hain.
Yeh Duniya Hai, Yahan Pe Dastaanen Maar Deti Hain
Poetry in Urdu
یہ دنیا ہے، یہاں پہ داستانیں مار دیتی ہیں
یہاں رسموں رواجوں کی چٹانیں مار دیتی ہیں
تمہیں محبوب کی زلفوں کے بَل جینے نہیں دیتے
ہمیں غالب کے مصرعوں کی اُٹھانیں مار دیتی ہیں
تِری آنکھوں کی مستی دیکھ کر واعظ کی یاد آئی
وہ کہتا تھا شرابوں کی دکانیں مار دیتی ہیں
کئی غیروں کے میٹھے بول سُن کے جان پڑتی ہے
کئی اپنوں کی زہریلی زبانیں مار دیتی ہیں
اَنا کی سیڑھیاں چڑہتے ہوئے یہ بھول نہ جانا
پرندوں کو بہت اونچی اُڑانیں مار دیتی ہیں
امیرِ شہر میں اور ہم میں قدرِ مُشترک تو ہے
ہمیں پتھر، اُسے سونے کی کانیں مار دیتی ہیں
کہاں جا کر رپٹ لکھوائیں وہ مقتول، کہ جن کو
ترے ابرو کی یہ قاتل کمانیں مار دیتی ہیں
یہاں پردیس میں بچے عجب سی کشمکش میں ہیں
یہاں جذبات کو دو دو زبانیں مار دیتی ہیں
مجھے مرتے ہوئے کہنے لگی حوّا کی اِک بیٹی
یہاں رشتے نِبھانے کی تھکانیں مار دیتی ہیں
فقط بیٹے ہی ہوتے ہیں یہاں جاگیر کے وارِث
اگرچہ بیٹیاں خدمت میں جانیں مار دیتی ہیں
مبارک ایک تو موضوع تمہارے جان لیوا ہیں
پھر اِس پہ درد سے لبریز تانیں مار دیتی ہیں
مبارک صدیق
