Phir Wohi Main Hoon Wohi Shehar Badar Sannata
Mohsin Naqvi Poetry
Phir Wohi Main Hoon Wohi Shehar Badar Sannata
Mujh Ko Das Le Na Kahin Khaak Basar Sannata
Dasht-e-Hasti Mein Shab-e-Gham Ki Sehar Karne Ko
Hijr Walon Ne Liya Rakht-e-Safar Sannata
Kis Se Poochun Ke Kahaan Hai Mera Rone Wala
Is Taraf Main Hoon Mere Ghar Se Idhar Sannata
Tu Sadaon Ke Bhanwar Mein Mujhe Awaaz To De
Tujh Ko De Ga Mere Hone Ki Khabar Sannata
Us Ko Hangama-e-Manzil Ki Khabar Kya Doge
Jis Ne Paaya Ho Sar-e-Raah Guzar Sannata
Haasil-e-Kunj-e-Qafas, Wahm-Bakaf Tanhaai
Ronaq-e-Shaam-e-Safar Ta Ba Sehar Sannata
Qismat-e-Shaair, Seemaab-Sifat Dasht Ki Maut
Qeemat-e-Reezah-e-Almaas, Hunar Sannata
Jaan Mohsin Meri Taqdeer Mein Kab Likha Hai
Doobta Chaand Tera Qurb-e-Ghajar Sannata
پھر وہی میں ہوں وہی شہر بدر سناٹا
مجھ کو ڈس لے نہ کہیں خاک بسر سناٹا
دشت ہستی میں شب غم کی سحر کرنے کو
ہجر والوں نے لیا رخت سفر سناٹا
کس سے پوچھوں کہ کہاں ہے مرا رونے والا
اس طرف میں ہوں مرے گھر سے ادھر سناٹا
تو صداؤں کے بھنور میں مجھے آواز تو دے
تجھ کو دے گا مرے ہونے کی خبر سناٹا
اس کو ہنگامۂ منزل کی خبر کیا دو گے
جس نے پایا ہو سر راہ گزر سناٹا
حاصل کنج قفس وہم بکف تنہائی
رونق شام سفر تا بہ سحر سناٹا
قسمت شاعر سیماب صفت دشت کی موت
قیمت ریزۂ الماس ہنر سناٹا
جان محسنؔ مری تقدیر میں کب لکھا ہے
ڈوبتا چاند ترا قرب گجر سناٹا
