Is Umeed Pe Roz Charagh Jalate Hain
Poet: Zahra Nigah
Is Umeed Pe Roz Charagh Jalate Hain
Aane Wale Barson Baad Bhi Aate Hain
Hum Ne Jis Raste Par Us Ko Chhoda Hai
Phool Abhi Tak Us Par Khilte Jate Hain
Din Mein Kirnein Aankh Macholi Khelti Hain
Raat Gaye Kuch Jugnu Milne Jate Hain
Dekhte Dekhte Ik Ghar Ke Rehne Wale
Apne Apne Khano Mein Bat Jate Hain
Dekho To Lagta Hai Jaise Dekha Tha
Socho To Phir Naam Nahi Yaad Aate Hain
Kaisi Achi Baat Hai Zahra Tera Naam
Bachay Apne Bachon Ko Batlate Hain
اس امید پہ روز چراغ جلاتے ہیں
آنے والے برسوں بعد بھی آتے ہیں
ہم نے جس رستے پر اس کو چھوڑا ہے
پھول ابھی تک اس پر کھلتے جاتے ہیں
دن میں کرنیں آنکھ مچولی کھیلتی ہیں
رات گئے کچھ جگنو ملنے جاتے ہیں
دیکھتے دیکھتے اک گھر کے رہنے والے
اپنے اپنے خانوں میں بٹ جاتے ہیں
دیکھو تو لگتا ہے جیسے دیکھا تھا
سوچو تو پھر نام نہیں یاد آتے ہیں
کیسی اچھی بات ہے زہرہؔ تیرا نام
بچے اپنے بچوں کو بتلاتے ہیں
