Sirf Khanjar Hi Nahi Ankhon Mein Pani Chahiye

sirf khanjar hi nahi ankhon mein pani chahiye
ai khuda dushman bhi mujh ko khandani chahiye

shehar ki sari alif-lailaen budhi ho chukin
shahzade ko koi taza kahani chahiye

mein ne ae suraj tujhe puja nahi samjha to hai
mere hisse mein bhi thodi dhoop aani chahiye

meri qimat kaun de sakta hai is bazar mein
tum zulekha ho tumhein qimat lagani chahiye

zindagi hai ek safar aur zindagi ki rah mein
zindagi bhi aae to thokar lagani chahiye

main ne apni khushk aankhon se lahu chhalka diya
ek samundar kah raha tha mujh ko pani chahiye

صرف خنجر ہی نہیں آنکھوں میں پانی چاہئے
اے خدا دشمن بھی مجھ کو خاندانی چاہئے

شہر کی ساری الف لیلائیں بوڑھی ہو چکیں
شاہزادے کو کوئی تازہ کہانی چاہئے

میں نے اے سورج تجھے پوجا نہیں سمجھا تو ہے
میرے حصے میں بھی تھوڑی دھوپ آنی چاہئے

میری قیمت کون دے سکتا ہے اس بازار میں
تم زلیخا ہو تمہیں قیمت لگانی چاہئے

زندگی ہے اک سفر اور زندگی کی راہ میں
زندگی بھی آئے تو ٹھوکر لگانی چاہئے

میں نے اپنی خشک آنکھوں سے لہو چھلکا دیا
اک سمندر کہہ رہا تھا مجھ کو پانی چاہئے

Sirf Khanjar Hi Nahi Ankhon Mein Pani Chahiye – Rahat Indori Poetry