Kisi Se Ehd-o-Paiman Kar Na Rehiyo
Jaun Elia Shayari
Kisi Se Ehd-o-Paiman Kar Na Rehiyo
Tu Is Basti Mein Rehiyo Par Na Rehiyo
Safar Karna Hai Aakhir Do Palak Beech
Safar Lamba Hai Be Bistar Na Rehiyo
Har Ek Haalat Ke Bairi Hain Yeh Lamhe
Kisi Gham Ke Bharose Par Na Rehiyo
Hamara Umr Bhar Ka Saath Thehra
So Mere Saath Tu Din Bhar Na Rehiyo
Bohat Dushwaar Ho Jaaye Ga Jeena
Yahan Tu Zaat Ke Andar Na Rehiyo
Sawere Hi Se Ghar Aajaiyo Aaj
Hai Roz-e-Waqia Bahar Na Rehiyo
Kahin Chhup Jao Teh Khanon Mein Ja Kar
Shab-e-Fitna Hai Apne Ghar Na Rehiyo
Nazar Par Baar Ho Jaate Hain Manzar
Jahan Rehiyo Wahan Aksar Na Rehiyo
کسی سے عہد و پیماں کر نہ رہیو
تُو اس بستی میں رہیو پر نہ رہیو
سفر کرنا ہے آخر دو پلک بیچ
سفر لمبا ہے بے بستر نہ رہیو
ہر اک حالت کے بیری ہیں یہ لمحے
کسی غم کے بھروسے پر نہ رہیو
ہمارا عمر بھر کا ساتھ ٹھیرا
سو میرے ساتھ تُو دن بھر نہ رہیو
بہت دشوار ہو جائے گا جینا
یہاں تُو ذات کے اندر نہ رہیو
سویرے ہی سے گھر آجائیو آج
ہے روزِ واقعہ باہر نہ رہیو
کہیں چھپ جاؤ تہ خانوں میں جا کر
شبِ فتنہ ہے اپنے گھر نہ رہیو
نظر پر بار ہو جاتے ہیں منظر
جہاں رہیو وہاں اکثر نہ رہیو
(جون ایلیا)
