Is Basti Ke Ek Kuche Mein Ek ‘Insha’ Nam Ka Diwana
Ibn-e-Insha Poetry
Is Basti Ke Ek Kuche Mein Ek ‘Insha’ Nam Ka Diwana
Ek Nar Pe Jaan Ko Haar Gaya Mashhur Hai Us Ka Afsana
Us Nar Mein Aisa Rup Na Tha Jis Rup Se Din Ki Dhup Dabe
Is Shahr Mein Kya Kya Gori Hai Mahtab-Rukhe Gulnar-Labe
Kuchh Baat Thi Us Ki Baaton Mein Kuchh Bhed The Us Ki Chitwan Mein
Wahi Bhed Ki Jot Jagate Hain Kisi Chahne Wale Ke Man Mein
Use Apna Banane Ki Dhun Mein Hua Aap Hi Aap Se Begana
Is Basti Ke Ek Kuche Mein Ek ‘Insha’ Nam Ka Diwana
Na Chanchal Khel Jawani Ke Na Pyar Ki Alhad Ghaten Thin
Bas Rah Mein Un Ka Milna Tha Ya Phone Pe Un Ki Baaten Thin
Is Ishq Pe Hum Bhi Hanste The Be-Hasil Sa Be-Hasil Tha
Ek Zor Bipharte Sagar Mein Na Kashti Thi Na Sahil Tha
Jo Baat Thi In Ke Ji Mein Thi Jo Bhed Tha Yaksar An-Jaana
Is Basti Ke Ek Kuche Mein Ek ‘Insha’ Nam Ka Diwana
Ek Roz Magar Barkha-Rut Mein Wo BhadoN Thi Ya Sawan Tha
Diwar Pe Bich Samundar Ke Ye Dekhne Walon Ne Dekha
Mastana Hath Mein Hath Diye Ye Ek Kagar Par Baithe The
Yun Sham Hui Phir Raat Hui Jab Sailani Ghar Laut Gae
Kya Raat Thi Wo Ji Chahta Hai Us Raat Pe Likkhen Afsana
Is Basti Ke Ek Kuche Mein Ek ‘Insha’ Nam Ka Diwana
Han Umr Ka Sath Nibhane Ke The Ahd Bahut Paiman Bahut
Wo Jin Pe Bharosa Karne Mein Kuchh Sud Nahin Nuqsan Bahut
Wo Nar Ye Kah Kar Dur Hui ‘Majburi Sajan Majburi’
Ye Wahshat Se Ranjur Hue Aur Ranjuri Si Ranjuri?
Us Roz Hamein Malum Hua Us Shakhs Ka Mushkil Samjhana
Is Basti Ke Ek Kuche Mein Ek ‘Insha’ Nam Ka Diwana
Go Aag Se Chhati Jalti Thi Go Aankh Se Dariya Bahta Tha
Har Ek Se Dukh Nahin Kahta Tha Chup Rahta Tha Gham Sahta Tha
Nadan Hain Wo Jo Chhedte Hain Is Aalam Mein Na-Danon Ko
Us Shakhs Se Ek Jawab Mila Sab Apnon Ko Beganon Ko
‘Kuchh Aur Kaho To Sunta Hun Is Bab Mein Kuchh Mat Farmana’
Is Basti Ke Ek Kuche Mein Ek ‘Insha’ Nam Ka Diwana
Ab Aage Ka Tahqiq Nahin Go Sunne Ko Hum Sunte The
Us Nar Ki Jo Jo Baaten Thin Us Nar Ke Jo Jo Qisse The
Ek Sham Jo Us Ko Bulwaya Kuchh Samjhaya Bechaare Ne
Us Raat Ye Qissa Pak Kiya Kuchh Kha Hi Liya Dukhyare Ne
Kya Baat Hui Kis Taur Hui Akhbar Se Logon Ne Jaana
Is Basti Ke Ek Kuche Mein Ek Insha Nam Ka Diwana
Har Baat Ki Khoj To Thik Nahin Tum Hum Ko Kahani Kehne Do
Us Nar Ka Nam Maqam Hai Kya Is Baat Pe Parda Rahne Do
Hum Se Bhi To Sauda Mumkin Hai Tum Se Bhi Jafa Ho Sakti Hai
Ye Apna Bayan Ho Sakta Hai Ye Apni Katha Ho Sakti Hai
Wo Nar Bhi Aakhir Pachhtai Kis Kaam Ka Aisa Pachhtana?
Is Basti Ke Ek Kuche Mein Ek ‘Insha’ Nam Ka Diwana
اس بستی کے اک کوچے میں اک انشاؔ نام کا دیوانا
اک نار پہ جان کو ہار گیا مشہور ہے اس کا افسانا
اس نار میں ایسا روپ نہ تھا جس روپ سے دن کی دھوپ دبے
اس شہر میں کیا کیا گوری ہے مہتاب رخے گلنار لبے
کچھ بات تھی اس کی باتوں میں کچھ بھید تھے اس کی چتون میں
وہی بھید کہ جوت جگاتے ہیں کسی چاہنے والے کے من میں
اسے اپنا بنانے کی دھن میں ہوا آپ ہی آپ سے بیگانہ
اس بستی کے اک کوچے میں اک انشاؔ نام کا دیوانا
نا چنچل کھیل جوانی کے نا پیار کی الھڑ گھاتیں تھیں
بس راہ میں ان کا ملنا تھا یا فون پہ ان کی باتیں تھیں
اس عشق پہ ہم بھی ہنستے تھے بے حاصل سا بے حاصل تھا
اک زور بپھرتے ساگر میں نا کشتی تھی نا ساحل تھا
جو بات تھی ان کے جی میں تھی جو بھید تھا یکسر انجانا
اس بستی کے اک کوچے میں اک انشاؔ نام کا دیوانا
اک روز مگر برکھا رت میں وہ بھادوں تھی یا ساون تھا
دیوار پہ بیچ سمندر کے یہ دیکھنے والوں نے دیکھا
مستانہ ہاتھ میں ہاتھ دیئے یہ ایک کگر پر بیٹھے تھے
یوں شام ہوئی پھر رات ہوئی جب سیلانی گھر لوٹ گئے
کیا رات تھی وہ جی چاہتا ہے اس رات پہ لکھیں افسانا
اس بستی کے اک کوچے میں اک انشاؔ نام کا دیوانا
ہاں عمر کا ساتھ نبھانے کے تھے عہد بہت پیمان بہت
وہ جن پہ بھروسہ کرنے میں کچھ سود نہیں نقصان بہت
وہ نار یہ کہہ کر دور ہوئی ‘مجبوری ساجن مجبوری’
یہ وحشت سے رنجور ہوئے اور رنجوری سی رنجوری؟
اس روز ہمیں معلوم ہوا اس شخص کا مشکل سمجھانا
اس بستی کے اک کوچے میں اک انشاؔ نام کا دیوانا
گو آگ سے چھاتی جلتی تھی گو آنکھ سے دریا بہتا تھا
ہر ایک سے دکھ نہیں کہتا تھا چپ رہتا تھا غم سہتا تھا
نادان ہیں وہ جو چھیڑتے ہیں اس عالم میں نادانوں کو
اس شخص سے ایک جواب ملا سب اپنوں کو بیگانوں کو
‘کچھ اور کہو تو سنتا ہوں اس باب میں کچھ مت فرمانا’
اس بستی کے اک کوچے میں اک انشاؔ نام کا دیوانا
اب آگے کا تحقیق نہیں گو سننے کو ہم سنتے تھے
اس نار کی جو جو باتیں تھیں اس نار کے جو جو قصے تھے
اک شام جو اس کو بلوایا کچھ سمجھایا بیچارے نے
اس رات یہ قصہ پاک کیا کچھ کھا ہی لیا دکھیارے نے
کیا بات ہوئی کس طور ہوئی اخبار سے لوگوں نے جانا
اس بستی کے اک کوچے میں اک انشا نام کا دیوانا
ہر بات کی کھوج تو ٹھیک نہیں تم ہم کو کہانی کہنے دو
اس نار کا نام مقام ہے کیا اس بات پہ پردا رہنے دو
ہم سے بھی تو سودا ممکن ہے تم سے بھی جفا ہو سکتی ہے
یہ اپنا بیاں ہو سکتا ہے یہ اپنی کتھا ہو ہو سکتی ہے
وہ نار بھی آخر پچھتائی کس کام کا ایسا پچھتانا؟
اس بستی کے اک کوچے میں اک انشاؔ نام کا دیوانا
