امجد اسلام امجد کی نظم – آخری چند دن دسمبر کے
Aakhri Chand Din December Ke
Har Baras Hi Giraan Guzarte Hain
Khwaahishon Ke Nigaar Khaane Mein
Kaise Kaise Gumaan Guzarte Hain
Raftagaan Ke Bikhartay Saalon Ki
Ek Mehfil Si Dil Mein Sajti Hai
Phone Ki Diary Ke Safhoon Se
Kitne Number Pukaarte Hain Mujhe
Jin Se Marboot Be-Nawaa Ghanti
Ab Faqat Mere Dil Mein Bajti Hai
Kis Qadr Pyaare Pyaare Naamoon Par
Reenghti Badnama Lakeerein Si
Meri Aankhon Mein Phel Jaati Hain
Dooriyaan Daairay Banaati Hain
Dhyaan Ki Seerhiyon Mein Kya Kya Aks
Mash’alain Dard Ki Jalate Hain
Aise Kaaghaz Pe Phel Jaate Hain
Haadse Ke Maqam Par Jaise
Khoon Ke Sookhay Nishaanon Par
Chaak Ki Lines Lagate Hain
Har December Ke Aakhri Din Mein
Har Baras Ki Tarah Ab Bhi
Diary Ek Sawaal Karti Hai
Kya Khabar Is Baras Ke Aakhir Tak
Mere Un Be-Chiraagh Safhoon Se
Kitne Hi Naam Kat Gaye Honge
Kitne Number Bikhar Ke Raston Mein
Gird-e-Maazi Se Ut Gaye Honge
Khaak Ki Dheeriyon Ke Daaman Mein
Kitne Toofan Simat Gaye Honge
Har December Mein Sochta Hoon Main
Ek Din Is Tarah Bhi Hona Hai
Rang Ko Roshni Mein Khona Hai
Apne Apne Gharon Mein Rakhi Hui
Diary, Dost Dekhte Honge
Un Ki Aankhon Ke Khaakdanoon Mein
Ek Sehra Sa Phelta Hoga
Aur Kuch Be-Nishaan Safhoon Se
Naam Mera Bhi Kat Gaya Hoga
(Amjad Islam Amjad)
آخری چند دن دسمبر کے
ہر برس ہی گراں گزرتے ہیں
خواہشوں کے نگار خانے میں
کیسے کیسے گماں گزرتے ہیں
رفتگاں کےبکھرتے سالوں کی
ایک محفل سی دل میں سجتی ہے
فون کی ڈائری کے صفحوں سے
کتنے نمبر پکارتے ہیں مجھے
جن سے مربوط بے نوا گھنٹی
اب فقط میرے دل میں بجتی ہے
کس قدر پیارے پیارے ناموں پر
رینگتی بدنما لکیریں سی
میری آنکھوں میں پھیل جاتی ہیں
دوریاں دائرے بناتی ہیں
دھیان کی سیڑھیوں میں کیا کیا عکس
مشعلیں درد کی جلاتے ہیں
ایسے کاغذ پہ پھیل جاتے ہیں
حادثے کے مقام پر جیسے
خون کے سوکھے نشانوں پر
چاک کی لائنیں لگاتے ہیں
ہر دسمبر کے آخری دن میں
ہر برس کی طرح اب بھی
ڈائری ایک سوال کرتی ہے
کیا خبر اس برس کے آخر تک
میرے ان بے چراغ صفحوں سے
کتنے ہی نام کٹ گئے ہونگے
کتنے نمبر بکھر کے رستوں میں
گرد ماضی سے اٹ گئے ہونگے
خاک کی ڈھیریوں کے دامن میں
کتنے طوفان سمٹ گئے ہونگے
ہردسمبر میں سوچتا ہوں میں
ایک دن اس طرح بھی ہونا ہے
رنگ کو روشنی میں کھونا ہے
اپنے اپنے گھروں میں رکھی ہوئی
ڈائری ،دوست دیکھتے ہونگے
ان کی آنکھوں کے خاکدانوں میں
ایک صحرا سا پھیلتا ہوگا
اور کچھ بے نشاں صفحوں سے
نام میرا بھی کٹ گیا ہوگا
(امجد اسلام امجد)
