Aaj Roothay Huye Saajan Ko Bohat Yaad Kiya
Saghar Siddiqui
Aaj Roothay Huye Saajan Ko Bohat Yaad Kiya
Apne Ujray Huye Gulshan Ko Bohat Yaad Kiya
Jab Kabhi Gardish-e-Taqdeer Ne Gheira Hai Humein
Gisoo-e-Yaar Ki Uljhan Ko Bohat Yaad Kiya
Shama Ki Jot Pe Jalte Huay Parwaanon Ne
Ek Tere Shola-e-Daaman Ko Bohat Yaad Kiya
Jis Ke Maathay Pe Nai Subh Ka Jhoomar Hoga
Hum Ne Us Waqt Ki Dulhan Ko Bohat Yaad Kiya
Aaj Tootay Huay Sapnon Ki Bohat Yaad Aayi Hai
Aaj Beetay Huay Saawan Ko Bohat Yaad Kiya
Hum Sar-e-Toor Bhi Mayoos-e-Tajalli Hi Rahe
Us Dar-e-Yaar Ki Chilman Ko Bohat Yaad Kiya
Mutma’in Ho Hi Gaye Daam-o-Qafas Mein Saghar
Hum Aseeeron Ne Nasheman Ko Bohat Yaad Kiya
آج روٹھے ہوئے ساجن کو بہت یاد کیا
اپنے اجڑے ہوئے گلشن کو بہت یاد کیا
جب کبھی گردش تقدیر نے گھیرا ہے ہمیں
گیسوئے یار کی الجھن کو بہت یاد کیا
شمع کی جوت پہ جلتے ہوئے پروانوں نے
اک ترے شعلۂ دامن کو بہت یاد کیا
جس کے ماتھے پہ نئی صبح کا جھومر ہوگا
ہم نے اس وقت کی دلہن کو بہت یاد کیا
آج ٹوٹے ہوئے سپنوں کی بہت یاد آئی ہے
آج بیتے ہوئے ساون کو بہت یاد کیا
ہم سر طور بھی مایوس تجلی ہی رہے
اس در یار کی چلمن کو بہت یاد کیا
مطمئن ہو ہی گئے دام و قفس میں ساغرؔ
ہم اسیروں نے نشیمن کو بہت یاد کیا
ساغر صدیقی
