Zindagi Se Badi Saza Hi Nahin
کرشن بہاری نور
Zindagi Se Badi Saza Hi Nahin
Aur Kya Jurm Hai, Pata Hi Nahin
Itne Hisson Mein Bat Gaya Hoon Main
Mere Hisse Mein Kuchh Bacha Hi Nahin
Zindagi Maut Teri Manzil Hai
Doosra Koi Rasta Hi Nahin
Sach Ghate Ya Badhe To Sach Na Rahe
Jhoot Ki Koi Intiha Hi Nahin
Zindagi Ab Bata Kahan Jaayein
Zeher Bazaar Mein Mila Hi Nahin
Jis Ke Kaaran Fasaad Hote Hain
Us Ka Koi Ata Pata Hi Nahin
Chahe Sone Ke Frame Mein Jadd Do
Aaina Jhoot Bolta Hi Nahin
Apni Rachnaon Mein Woh Zinda Hai
Noor Sansaar Se Gaya Hi Nahin
زندگی سے بڑی سزا ہی نہیں
اور کیا جرم ہے پتا ہی نہیں
اتنے حصوں میں بٹ گیا ہوں میں
میرے حصے میں کچھ بچا ہی نہیں
زندگی موت تیری منزل ہے
دوسرا کوئی رستہ ہی نہیں
سچ گھٹے یا بڑھے تو سچ نہ رہے
جھوٹ کی کوئی انتہا ہی نہیں
زندگی اب بتا کہاں جائیں
زہر بازار میں ملا ہی نہیں
جس کے کارن فساد ہوتے ہیں
اس کا کوئی اتا پتا ہی نہیں
چاہے سونے کے فریم میں جڑ دو
آئینہ جھوٹ بولتا ہی نہیں
اپنی رچناؤں میں وہ زندہ ہے
نورؔ سنسار سے گیا ہی نہیں
