Har Aik Shab Yun Hi Dekhen Gi Soye Dar Aankhen
Har Aik Shab Yun Hi Dekhen Gi Soye Dar Aankhen
Tujhe Ganwa Ke Na Soyen Gi Umar Bhar Aankhen
Tulu-e-Subah Se Pehle Hi Bujh Na Jaen Kahin
Ye Dasht-e-Shab Mein Sitaron Ki Hum Safar Aankhen
Sitam Ye Kam To Nahin Dil Giriftagi Ke Liye
Main Shehar Bhar Mein Aikela Idhar Udhar Aankhen
Shumaar Us Ki Sakhawat Ka Kya Karein Ke Woh Shakhs
Chiraagh Baant’ta Phirta Hai Cheen Kar Aankhen
Main Zakhm Zakhm Hua Jab To Mujh Pe Bhaid Khula
Ke Pathron Ko Samajhti Rahi Gohar Aankhen
Main Apne Ashk Sambhaloon Ga Kab Talak Mohsin
Zamana Sang Ba-Kaf Hai To Sheesha Gar Aankhen
ہر ایک شب یوں ہی دیکھیں گی سوئے در آنکھیں
تجھے گنوا کے نہ سوئیں گی عمر بھر آنکھیں
طلوع صبح سے پہلے ہی بجھ نہ جائیں کہیں
یہ دشت شب میں ستاروں کی ہم سفر آنکھیں
ستم یہ کم تو نہیں دل گرفتگی کے لئے
میں شہر بھر میں اکیلا ادھر ادھر آنکھیں
شمار اس کی سخاوت کا کیا کریں کہ وہ شخص
چراغ بانٹتا پھرتا ہے چھین کر آنکھیں
میں زخم زخم ہوا جب تو مجھ پہ بھید کھلا
کہ پتھروں کو سمجھتی رہیں گہر آنکھیں
میں اپنے اشک سنبھالوں گا کب تلک محسنؔ
زمانہ سنگ بکف ہے تو شیشہ گر آنکھیں
