Shehron Mulkon Mein Jo Ye Mir Kehata Hai Miyan
Mir Taqi Mir
Shehron Mulkon Mein Jo Ye Mir Kehata Hai Miyan
Deedni Hai Pe Bahut Kam Nazar Aata Hai Miyan
Aalam Aaeena Hai Jis Ka Woh Musavvir Be-Misl
Haaye Kya Sooraten Parday Mein Banaata Hai Miyan
Qismat Is Bazm Mein Laayi Ke Jahaan Ka Saqi
De Hai Mai Sab Ko Humein Zehr Pilata Hai Miyan
Ho Ke Aashiq Tere, Jaan-o-Dil-o-Deen Kho Baithe
Jaisa Karta Hai Koi Waisa Hi Paata Hai Miyan
Husn Ek Cheez Hai Hum Hovain Ke Tu Ho Naasih
Aisi Shay Se Koi Bhi Haath Uthata Hai Miyan
Jhagra Is Haadise Ka Koh-e-Garaan Sang Ko Bhi
Joon Par-e-Kaah Uda Hi Liye Jaata Hai Miyan
Kya Pari Khoon Hai Jo Raaton Ko Jagaave Hai Mir
Shaam Se Dil, Jigar-o-Jaan Jalaata Hai Miyan
شہروں ملکوں میں جو یہ میر کہاتا ہے میاں
دیدنی ہے پہ بہت کم نظر آتا ہے میاں
عالم آئینہ ہے جس کا وہ مصور بے مثل
ہائے کیا صورتیں پردے میں بناتا ہے میاں
قسمت اس بزم میں لائی کہ جہاں کا ساقی
دے ہے مے سب کو ہمیں زہر پلاتا ہے میاں
ہو کے عاشق ترے، جان و دل و دیں کھو بیٹھے
جیسا کرتا ہے کوئی ویسا ہی پاتا ہے میاں
حسن یک چیز ہے ہم ہوویں کہ تُو ہو ناصح
ایسی شے سے کوئی بھی ہاتھ اٹھاتا ہے میاں
جھگڑا اس حادثے کا کوہ گراں سنگ کو بھی
جوں پرِ کاہ اڑا ہی لیے جاتا ہے میاں
کیا پری خوں ہے جو راتوں کو جگاوے ہے میر
شام سے دل، جگر و جان جلاتا ہے میاں
