Bazicha-E-Atfal Hai Duniya Mere Aage

Bazicha-E-Atfal Hai Duniya Mere Aage
Hota Hai Shab-O-Roz Tamasha Mere Aage

Ek Khel Hai Aurang-E-Sulaiman Mere Nazdik
Ek Baat Hai Ejaz-E-Masiha Mere Aage

Juz Nam Nahin Surat-E-Alam Mujhe Manzur
Juz Wahm Nahin Hasti-E-Ashiya Mere Aage

Hota Hai Nihan Gard Mein Sahra Mere Hote
Ghista Hai Jabin Khak Pe Dariya Mere Aage

Mat Puchh Ki Kya Haal Hai Mera Tere Pichhe
Tu Dekh Ki Kya Rang Hai Tera Mere Aage

Sach Kehte Ho Khud-Bin O Khud-Ara Hun Na Kyun Hun
Baitha Hai But-E-Aina-Sima Mere Aage

Phir Dekhiye Andaz-E-Gul-Afshani-E-Guftar
Rakh De Koi Paimana-E-Sahba Mere Aage

Nafrat Ka Guman Guzre Hai Main Rashk Se Guzra
Kyunkar Kahun Lo Nam Na Un Ka Mere Aage

Iman Mujhe Roke Hai Jo Khinche Hai Mujhe Kufr
Kaba Mere Pichhe Hai Kalisa Mere Aage

Aashiq Hun Pa Mashuq-Farebi Hai Mera Kaam
Majnun Ko Bura Kahti Hai Laila Mere Aage

Khush Hote Hain Par Wasl Mein Yun Mar Nahin Jate
Aai Shab-E-Hijran Ki Tamanna Mere Aage

Hai Maujzan Ek Qulzum-E-Khun Kash Yahi Ho
Aata Hai Abhi Dekhiye Kya Kya Mere Aage

Go Hath Ko Jumbish Nahin Aankhon Mein To Dam Hai
Rahne Do Abhi Saghar-O-Mina Mere Aage

Ham-Pesha O Ham-Mashrab O Hamraaz Hai Mera
‘Ghalib’ Ko Bura Kyun Kaho Achchha Mere Aage

بازیچۂ اطفال ہے دنیا مرے آگے
ہوتا ہے شب و روز تماشا مرے آگے

اک کھیل ہے اورنگ سلیماں مرے نزدیک
اک بات ہے اعجاز مسیحا مرے آگے

جز نام نہیں صورت عالم مجھے منظور
جز وہم نہیں ہستیٔ اشیا مرے آگے

ہوتا ہے نہاں گرد میں صحرا مرے ہوتے
گھستا ہے جبیں خاک پہ دریا مرے آگے

مت پوچھ کہ کیا حال ہے میرا ترے پیچھے
تو دیکھ کہ کیا رنگ ہے تیرا مرے آگے

سچ کہتے ہو خودبین و خود آرا ہوں نہ کیوں ہوں
بیٹھا ہے بت آئنہ سیما مرے آگے

پھر دیکھیے انداز گل افشانیٔ گفتار
رکھ دے کوئی پیمانۂ صہبا مرے آگے

نفرت کا گماں گزرے ہے میں رشک سے گزرا
کیوں کر کہوں لو نام نہ ان کا مرے آگے

ایماں مجھے روکے ہے جو کھینچے ہے مجھے کفر
کعبہ مرے پیچھے ہے کلیسا مرے آگے

عاشق ہوں پہ معشوق فریبی ہے مرا کام
مجنوں کو برا کہتی ہے لیلیٰ مرے آگے

خوش ہوتے ہیں پر وصل میں یوں مر نہیں جاتے
آئی شب ہجراں کی تمنا مرے آگے

ہے موجزن اک قلزم خوں کاش یہی ہو
آتا ہے ابھی دیکھیے کیا کیا مرے آگے

گو ہاتھ کو جنبش نہیں آنکھوں میں تو دم ہے
رہنے دو ابھی ساغر و مینا مرے آگے

ہم پیشہ و ہم مشرب و ہم راز ہے میرا
غالبؔ کو برا کیوں کہو اچھا مرے آگے

Bazicha-E-Atfal Hai Duniya Mere Aage – Mirza Ghalib