Dastak Kisi Ki Hai Ke Gumaan Dekhne To De
Amjad Islam Amjad
Dastak Kisi Ki Hai Ke Gumaan Dekhne To De
Darwaza Hum Ko Tez Hawa Kholne To De
Apne Lahoo Ki Taal Pe Khwaahish Ke Moor Ko
Ae Dasht-e-Ihtiyaat! Kabhi Naachne To De
Soda Hai Umar Bhar Ka Koi Khel To Nahin
Ae Chashm-e-Yaar Mujh Ko Zara Sochne To De
Us Harf-e-Kun Ki Ek Amanat Hai Mere Paas
Lekin Ye Kainaat Mujhe Bolne To De
Shaayad Kisi Lakeer Mein Likha Ho Mera Naam
Ae Dost Apna Haath Mujhe Dekhne To De
Ye Saat Aasmaan Kabhi Mukhtasir To Hoon
Ye Ghoomti Zameen Kahin Thehrne To De
Kaise Kisi Ki Yaad Ka Chehra Banaoon Main
Amjad-o-Hu Koi Naqsh Kabhi Bhoolne To De
دستک کسی کی ہے کہ گماں دیکھنے تو دے
دروازہ ہم کو تیز ہوا کھولنے تو دے
اپنے لہو کی تال پہ خواہش کے مور کو
اے دشتِ احتیاط !کبھی ناچنے تو دے
سودا ہے عمر بھر کا کوئی کھیل تو نہیں
اے چشمِ یار مجھ کو ذرا سوچنے تو دے
اُس حرفِ کُن کی ایک امانت ہے میرے پاس
لیکن یہ کائنات مجھے بولنے تو دے
شاید کسی لکیر میں لکھا ہو میرا نام
اے دوست اپنا ہاتھ مجھے دیکھنے تو دے
یہ سات آسمان کبھی مختصر تو ہوں
یہ گھومتی زمین کہیں ٹھیرنے تو دے
کیسے کسی کی یاد کا چہرہ بناؤں میں
امجدوہ کوئی نقش کبھی بھولنے تو دے
امجد اسلام امجد
