Ghazal – Tumhara Hijr Manaya To Main Akela Tha
Poet: Khalid Nadeem Shani
Tumhara Hijr Manaya To Main Akela Tha
Junoon Ne Hashr Uthaya To Main Akela Tha
Ye Meri Apni Duaayein Jinon Ne Radd Hokar
Gale Se Mujh Ko Lagaya To Main Akela Tha
Diyar-e-Khwaab Tha, Tum Thay, Tamaam Duniya Thi
Kisi Ne Aa Ke Jagaya To Main Akela Tha
Koi Husaini Na Nikla Mere Rafeeqon Mein
Diya Bujha Ke Jalaya To Main Akela Tha
Tumhara Haath Nahin Tha, Woh Mouj-e-Girya Thi
Meri Samajh Mein Jab Aaya To Main Akela Tha
Tumhare Lams Ki Khushbu Fareb Nikli Hai
Badan Ne Hashr Uthaya To Main Akela Tha
Kahan Se Aayi Thi Aakhir Teri Talab Mujh Mein
Khuda Ne Mujh Ko Banaya To Main Akela Tha
تمہارا ہجر منایا تو میں اکیلا تھا
جنوں نے حشر اٹھایا تو میں اکیلا تھا
یہ میری اپنی دعائیں جنہوں نے رد ہو کر
گلے سے مجھ کو لگایا تو میں اکیلا تھا
دیار خواب تھا تم تھے تمام دنیا تھی
کسی نے آ کے جگایا تو میں اکیلا تھا
کوئی حسینی نہ نکلا مرے رفیقوں میں
دیا بجھا کے جلایا تو میں اکیلا تھا
تمہارا ہاتھ نہیں تھا وہ موج گریہ تھی
مری سمجھ میں جب آیا تو میں اکیلا تھا
تمہارے لمس کی خوشبو فریب نکلی ہے
بدن نے حشر اٹھایا تو میں اکیلا تھا
کہاں سے آئی تھی آخر تری طلب مجھ میں
خدا نے مجھ کو بنایا تو میں اکیلا تھا
