Bas Keh Dushwar Hai Har Kam Ka Asan Hona
Poet: Mirza Ghalib
Bas keh dushwar hai har kam ka asan hona
admi ko bhi mayassar nahi insan hona
Giriya chahe hai kharabi mere kashane ki
dar-o-diwar se tapak hai bayaban hona
Wa-e-diwangi-e-shauq k har dam mujh ko
ap jana udhar aur ap hi hairan hona
Jalwa azbas k taqaza-e-nigah karta hai
jauhar-e-aina bhi chahe hai mizagan hona
Ishrat-e-qatlgah-e-ahal-e-tamanna mat puch
id-e-nazzara hai shamshir ka uriyan hona
Le gaye khak mein ham dag-e-tamanna-e-nishat
tu ho aur ap basadrang-e-gulistan hona
Ishrat-e-para-e-dil, zakhm-e-tamannakhana
lazzat-e-rish-e-jigar garq-e-namakdan hona
Ki mere qatl k bad us ne jafa se tauba
haye us zodpasheman ka pasheman hona
jis ki qismat mein ho ashiq ka gareban hona
بسکہ دشوار ہے ہر کام کا آساں ہونا
آدمی کو بھی میسر نہیں انساں ہونا
گریہ چاہے ہے خرابی مرے کاشانے کی
در و دیوار سے ٹپکے ہے بیاباں ہونا
وائے دیوانگی شوق کہ ہر دم مجھ کو
آپ جانا ادھر اور آپ ہی حیراں ہونا
جلوہ از بس کہ تقاضائے نگہ کرتا ہے
جوہر آئنہ بھی چاہے ہے مژگاں ہونا
عشرت قتل گہہ اہل تمنا مت پوچھ
عید نظارہ ہے شمشیر کا عریاں ہونا
لے گئے خاک میں ہم داغ تمنائے نشاط
تو ہو اور آپ بہ صد رنگ گلستاں ہونا
عشرت پارۂ دل زخم تمنا کھانا
لذت ریش جگر غرق نمکداں ہونا
کی مرے قتل کے بعد اس نے جفا سے توبہ
ہائے اس زود پشیماں کا پشیماں ہونا
حیف اس چار گرہ کپڑے کی قسمت غالبؔ
جس کی قسمت میں ہو عاشق کا گریباں ہونا
Read More:
Mirza Ghalib Poetry – Rahat Indori Poetry – Jaun Elia Poetry – Bashir Badr Poetry
