Garmi-e-Hasrat-e-Naakaam Se Jal Jaate Hain
Qateel Shifai
Garmi-e-Hasrat-e-Naakaam Se Jal Jaate Hain
Hum Chiraagon Ki Tarah Shaam Se Jal Jaate Hain
Shama Jis Aag Mein Jalti Hai Numaish Ke Liye
Hum Usi Aag Mein Gumnaam Se Jal Jaate Hain
Bach Nikalte Hain Agar Aatish-e-Sayyal Se Hum
Shola-e-Aarz-e-Gulfaam Se Jal Jaate Hain
Khud-Numaai To Nahin Shewa-e-Arbaab-e-Wafa
Jin Ko Jalna Ho Woh Aaraam Se Jal Jaate Hain
Rabt Baaham Pe Humein Kya Na Kahenge Dushman
Aashna Jab Tere Paighaam Se Jal Jaate Hain
Jab Bhi Aata Hai Mera Naam Tere Naam Ke Saath
Jaane Kyon Log Mere Naam Se Jal Jaate Hain
گرمیٔ حسرت ناکام سے جل جاتے ہیں
ہم چراغوں کی طرح شام سے جل جاتے ہیں
شمع جس آگ میں جلتی ہے نمائش کے لیے
ہم اسی آگ میں گمنام سے جل جاتے ہیں
بچ نکلتے ہیں اگر آتش سیال سے ہم
شعلۂ عارض گلفام سے جل جاتے ہیں
خود نمائی تو نہیں شیوۂ ارباب وفا
جن کو جلنا ہو وہ آرام سے جل جاتے ہیں
ربط باہم پہ ہمیں کیا نہ کہیں گے دشمن
آشنا جب ترے پیغام سے جل جاتے ہیں
جب بھی آتا ہے مرا نام ترے نام کے ساتھ
جانے کیوں لوگ مرے نام سے جل جاتے ہیں
