Ghazal – Reh-e-Khizaan Mein Talaash-e-Bahaar Karte Rahe
Faiz Ahmad Faiz
رہ خزاں میں تلاش بہار کرتے رہے
شب سیہ سے طلب حسن یار کرتے رہے
خیال یار کبھی ذکر یار کرتے رہے
اسی متاع پہ ہم روزگار کرتے رہے
نہیں شکایت ہجراں کہ اس وسیلے سے
ہم ان سے رشتۂ دل استوار کرتے رہے
وہ دن کہ کوئی بھی جب وجہ انتظار نہ تھی
ہم ان میں تیرا سوا انتظار کرتے رہے
ہم اپنے راز پہ نازاں تھے شرمسار نہ تھے
ہر ایک سے سخن راز دار کرتے رہے
ضیائے بزم جہاں بار بار ماند ہوئی
حدیث شعلہ رخاں بار بار کرتے رہے
انہیں کے فیض سے بازار عقل روشن ہے
جو گاہ گاہ جنوں اختیار کرتے رہے
Reh-e-Khizaan Mein Talaash-e-Bahaar Karte Rahe
Shab-e-Siyah Se Talab Husn-e-Yaar Karte Rahe
Khayal-e-Yaar Kabhi Zikr-e-Yaar Karte Rahe
Isi Mata’a Pe Hum Rozgaar Karte Rahe
Nahi Shikayat-e-Hijraan Ke Is Waseele Se
Hum Un Se Rishte-e-Dil Estawaar Karte Rahe
Woh Din Ke Koi Bhi Jab Wajah-e-Intezar Na Thi
Hum Un Mein Tere Siwa Intezar Karte Rahe
Hum Apne Raaz Pe Naazaan The Sharmsaar Na The
Har Aik Se Sukhan Raazdaar Karte Rahe
Ziya-e-Bazm-e-Jahan Baar Baar Maand Huyi
Hadees-e-Shaula-Rukhan Baar Baar Karte Rahe
Unhi Ke Faiz Se Bazaar-e-Aql Roshan Hai
Jo Gaah Gaah Junoon Ikhtiyaar Karte Rahe
