Tu Mukhatab Tha, Koi Baat Woh Karta Kaise
Teri Aankhon Mein Jo Dooba Tha, Ubharta Kaise
Main Jise Umr-e-Gurizaan Se Chura Laaya Tha
Woh Tere Wasl Ka Lamha Tha, Guzarta Kaise
Meri Mitti Mein Farishton Ne Tujhe Gondha Tha
Mere Paikar Se Tera Rang Utarta Kaise
Main Ne Kaafir Ko Daleel-e-Rukh-e-Roshan Di Thi!
Husn-e-Yazdaan Se Mukarta To, Mukarta Kaise
Aaina Tere Khudokhaal, Qad-o-Qaamat Ko!
Roobaru Dekh Na Paata, To Sanwarta Kaise
Kam Nigahi Ka Na Ta’na Mujhe Dena, Aajiz
Tu Ke Sooraj Tha, Tujhe Aankh Mein Bharta Kaise
تُو مُخاطب تھا ، کوئی بات وہ کرتا کیسے
تیری آنکھوں میں جو ڈوبا تھا ، اُبھرتا کیسے
میں جسے عُمرِ گُریزاں سے ُچرا لایا تھا
وہ تِرے وصل کا لمحہ تھا، گُزرتا کیسے
میری مٹّی میں فرشتوں نے تجھے گوندھا تھا
میرے پیکر سے تِرا رنگ اُترتا کیسے
میں نے کافر کو دلیلِ رُخِ روشن دی تھی !
حُسنِ یزداں سے مُکرتا تو، مُکرتا کیسے
آئنہ تیرے خدوخال ، قد و قامت کو !
روبرو دیکھ نہ پاتا، تو سنورتا کیسے
کم نِگاہی کا نہ طعنہ مجھے دینا، عاجزؔ
تُو کہ سورج تھا، تجھے آنکھ میں بھرتا کیسے
