Be Shak Na Mere Saath Safar Ikhtiyaar Kar
Ae Mere Badgumaan, Mera I’tibaar Kar
Woh Khud To Titliyon Ko Liye Ghoomta Raha
Aur Mujh Ko Khat Mein Likhta Raha, Intizaar Kar
Ab Un Ke Qaafle To Bohat Door Ja Chuke
Jin Ki Talab Mein Aaye The, Sehra Guzar Kar
Main Ne To Tere Hijr Ka Dukh Jheel Hi Liya
Ab Tu Bhi To Khud Ko Waakif-e-Rah-e-Intizaar Kar
Kab Ho Saki Hai Un Ki Samandar Se Dosti
Mitti Ke In Gharondon Pe Kam Inhisaaar Kar
Fursat Mile To Dekh Mere Dil Ke Aaine
Aankhon Se Apni Kaaghazi Parday Utaar Kar
– Noshi Gilani
بے شک نہ میرے ساتھ سفر اختیار کر
اے میرے بدگمان میرا اعتبار کر
وہ خود تو تتلیوں کو لیے گھومتا رہا
اور مُجھ کو خط میں لکھتا رہا، انتظار کر
اب اُن کے قافلے تو بُہت دور جا چُکے
جِن کی طلب میں آئے تھے، صحرا گزار کر
میں نے تو تیرے ہجر کا دُکھ جھیل ہی لیا
اب تُو بھی تو خود کو واقفِ رہِ انتظار کر
کب ہو سکی ہے ان کی سمندر سے دوستی
مٹی کے اِن گھروندوں پہ کم انحصار کر
فرصت مِلے تو دیکھ مِرے دِل کے آئینے
آنکھوں سے اپنی کاغذی پردے اُتار کر
