Mere Junoon Ka Nateeja Zaroor Nikle Ga
Isi Siyah Samandar Se Noor Nikle Ga
Gira Diya Hai To Saahil Pe Intezar Na Kar
Agar Woh Doob Gaya Hai, To Door Nikle Ga
Usi Ka Sheher, Wohi Maddai, Wohi Munsif
Humein Yaqeen Tha… Hamara Qasoor Nikle Ga
Yaqeen Na Aaye To Ik Baat Pooch Kar Dekho
Jo Hans Raha Hai, Woh Zakhmon Se Choor Nikle Ga
Us Aasteen Se Ashkon Ko Poochhne Wale
Us Aasteen Se Khanjar Zaroor Nikle Ga
مِرے جنوں کا نتیجہ ضرور نِکلے گا
اِسی سیاہ سمندر سے نُور نِکلے گا
گِرا دیا ہے تو ساحِل پہ انتظار نہ کر
اگر وُہ ڈوب گیا ہے ، تو دُور نِکلے گا
اُسی کا شہر ، وہی مدّعی ، وہی منصف
ہمیں یقیں تھا ،،، ہمارا قصُور نِکلے گا
یقیں نہ آئے تو اِک بات پُوچھ کر دیکھو
جو ہنس رہا ہے، وُہ زخموں سے چُور نِکلے گا
اُس آستین سے اشکوں کو پوچھنے والے
اُس آستین سے خنجر ضرور نِکلے گا
شاعر : امیرؔ قزلباش
