Sabab Woh Pooch Rahe Hain Udaas Hone Ka
Rahat Indori
Sabab Woh Pooch Rahe Hain Udaas Hone Ka
Mera Mizaaj Nahin Be Libaas Hone Ka
Naya Bahana Hai Har Pal Udaas Hone Ka
Yeh Faida Hai Tere Ghar Ke Paas Hone Ka
Mehkati Raat Ke Lamho Nazar Rakho Mujh Par
Bahana Dhoond Raha Hoon Udaas Hone Ka
Main Tere Paas Bata Kis Gharz Se Aaya Hoon
Saboot De Mujhe Chehra Shinaas Hone Ka
Meri Ghazal Se Bana Zehan Mein Koi Tasveer
Sabab Na Pooch Mere Devdas Hone Ka
Kahan Ho Aao Meri Bhooli Basri Yaado Aao
Khush Aamdeed Hai Mausam Udaas Hone Ka
Kai Dino Se Tabeiyat Meri Udaas Nahin Thi
Yahi Jawaaz Bohat Hai Udaas Hone Ka
Main Ahmiyat Bhi Samajhta Hoon Qahqahon Ki Magar
Maza Kuch Apna Alag Hai Udaas Hone Ka
Mere Labon Se Tabassum Mazaq Karne Laga
Main Likh Raha Tha Qaseeda Udaas Hone Ka
Pata Nahin Yeh Parinday Kahan Se Aa Pahunche
Abhi Zamana Kahan Tha Udaas Hone Ka
Main Keh Raha Hoon Ke Ae Dil Udhar Udhar Na Bhatak
Guzar Na Jaaye Zamana Udaas Hone Ka
سبب وہ پوچھ رہے ہیں اداس ہونے کا
مرا مزاج نہیں بے لباس ہونے کا
نیا بہانہ ہے ہر پل اداس ہونے کا
یہ فائدہ ہے ترے گھر کے پاس ہونے کا
مہکتی رات کے لمحو نظر رکھو مجھ پر
بہانا ڈھونڈ رہا ہوں اداس ہونے کا
میں تیرے پاس بتا کس غرض سے آیا ہوں
ثبوت دے مجھے چہرہ شناس ہونے کا
مری غزل سے بنا ذہن میں کوئی تصویر
سبب نہ پوچھ مرے دیوداس ہونے کا
کہاں ہو آؤ مری بھولی بسری یادو آؤ
خوش آمدید ہے موسم اداس ہونے کا
کئی دنوں سے طبیعت مری اداس نہ تھی
یہی جواز بہت ہے اداس ہونے کا
میں اہمیت بھی سمجھتا ہوں قہقہوں کی مگر
مزا کچھ اپنا الگ ہے اداس ہونے کا
مرے لبوں سے تبسم مذاق کرنے لگا
میں لکھ رہا تھا قصیدہ اداس ہونے کا
پتہ نہیں یہ پرندے کہاں سے آ پہنچے
ابھی زمانہ کہاں تھا اداس ہونے کا
میں کہہ رہا ہوں کہ اے دل ادھر ادھر نہ بھٹک
گزر نہ جائے زمانہ اداس ہونے کا
Mirza Ghalib Poetry – Rahat Indori Poetry – Jaun Elia Poetry – Bashir Badr Poetry
