Badbaan Khulne Se Pehle Ka Ishara Dekhna
Poet: Parveen Shakir
Badbaan Khulne Se Pehle Ka Ishara Dekhna
Main Samundar Dekhti Hoon Tum Kinara Dekhna
Yoon Bichhadna Bhi Bohat Aasaan Na Tha Us Se Magar
Jaate Jaate Us Ka Woh Mur Kar Dobara Dekhna
Kis Shabaahat Ko Liye Aaya Hai Darwaze Pe Chaand
Ae Shab-e-Hijraan! Zara Apna Sitara Dekhna
Kya Qayamat Hai Ke Jin Ke Naam Par Paspaa Hue
Un Hi Logon Ko Muqabil Mein Saf-aara Dekhna
Jab Benaam-e-Dil Gawaahi Hum Se Maangi Jaaye Gi
Khoon Mein Dooba Hua Parcham Hamara Dekhna
Jeetne Mein Bhi Jahan Ji Ka Ziyaan Pehle Se Hai
Aisi Baazi Haarne Mein Kya Khasara Dekhna
Aaine Ki Aankh Hi Kuch Kam Na Thi Mere Liye
Jaane Ab Kya Kya Dikhaye Ga Tumhara Dekhna
Ek Musht-e-Khaak Aur Woh Bhi Hawa Ki Zad Mein Hai
Zindagi Ki Be Basi Ka Estaara Dekhna
بادباں کھُلنے سے پہلے کا اشارا دیکھنا
میں سمندر دیکھتی ہوں تم کنارا دیکھنا
یوں بچھڑنا بھی بہت آساں نہ تھا اُس سے مگر
جاتے جاتے اُس کا وہ مڑ کر دوبارہ دیکھنا
کس شباہت کو لیے آیا ہے دروازے پہ چاند
اے شبِ ہجراں! ذرا اپنا ستارہ دیکھنا
کیا قیامت ہے کہ جن کے نام پر پسپا ہوئے
اُن ہی لوگوں کو مقابل میں صف آرا دیکھنا
جب بنامِ دل گواہی ہم سے مانگی جائے گی
خون میں ڈوبا ہوا پرچم ہمارا دیکھنا
جیتنے میں بھی جہاں جی کا زیاں پہلے سے ہے
ایسی بازی ہارنے میں کیا خسارہ دیکھنا
آئینے کی آنکھ ہی کچھ کم نہ تھی میرے لئے
جانے اب کیا کیا دکھائے گا تمہارا دیکھنا
ایک مشتِ خاک اور وہ بھی ہوا کی زد میں ہے
زندگی کی بے بسی کا استعارہ دیکھنا
Mirza Ghalib Poetry – Rahat Indori Poetry
Jaun Elia Poetry – Bashir Badr Poetry
