Yeh Baat Samajh Mein Aayi Nahi
Ahmad Hatib Siddiqi
یہ بات سمجھ میں آئی نہیں
اور امی نے سمجھائی نہیں
میں کیسے میٹھی بات کروں
جب میں نے مٹھائی کھائی نہیں
آپی بھی پکاتی ہیں حلوہ
پھر وہ بھی کیوں حلوائی نہیں
یہ بات سمجھ میں آئی نہیں
نانی کے میاں تو نانا ہیں
دادی کے میاں بھی دادا ہیں
جب آپا سے میں نے یہ پوچھا
باجی کے میاں کیا باجا ہیں
وہ ہنس ہنس کر یہ کہنے لگیں
اے بھائی نہیں اے بھائی نہیں
یہ بات سمجھ میں آئی نہیں
جب نیا مہینہ آتا ہے تو
بجلی کا بل آ جاتا ہے
حالانکہ بادل بیچارہ
یہ بجلی مفت بناتا ہے
پھر ہم نے اپنے گھر بجلی
بادل سے کیوں لگوائی نہیں
یہ بات سمجھ میں آئی نہیں
گر بلی شیر کی خالہ ہے
تو ہم نے اسے کیوں پالا ہے
کیا شیر بہت نا لائق ہے
خالہ کو مار نکالا ہے
یا جنگل کے راجا کے یہاں
کیا ملتی دودھ ملائی نہیں
یہ بات سمجھ میں آئی نہیں
کیوں لمبے بال ہیں بھالو کے
کیوں اس کی ٹنڈ کرائی نہیں
کیا وہ بھی گندہ بچہ ہے
یا اس کے ابو بھائی نہیں
یہ اس کا ہیر اسٹائل ہے
یا جنگل میں کوئی نائی نہیں
یہ بات سمجھ میں آئی نہیں
جو تارے جھلمل کرتے ہیں
کیا ان کی چچی تائی نہیں
ہوگا کوئی رشتہ سورج سے
یہ بات ہمیں بتلائی نہیں
یہ چندا کیسا ماما ہے
جب امی کا وہ بھائی نہیں
یہ بات سمجھ میں آئی نہیں
Yeh Baat Samajh Mein Aayi Nahi
Yeh Baat Samajh Mein Aayi Nahi
Aur Ammi Ne Samjhaai Nahi
Main Kaise Meethi Baat Karoon
Jab Main Ne Mithai Khayi Nahi
Aapi Bhi Pakati Hain Halwa
Phir Woh Bhi Kyun Halwai Nahi
Yeh Baat Samajh Mein Aayi Nahi
Nani Ke Mian To Nana Hain
Dadi Ke Mian Bhi Dada Hain
Jab Aapa Se Main Ne Yeh Pocha
Baji Ke Mian Kya Baja Hain
Woh Hans Hans Kar Yeh Kehne Lage
Ae Bhai Nahi Ae Bhai Nahi
Yeh Baat Samajh Mein Aayi Nahi
Jab Naya Mahina Aata Hai To
Bijli Ka Bill Aa Jaata Hai
Haalankah Badal Bechara
Yeh Bijli Muft Banata Hai
Phir Hum Ne Apne Ghar Bijli
Badal Se Kyun Lagwai Nahi
Yeh Baat Samajh Mein Aayi Nahi
Gar Billi Sher Ki Khala Hai
To Hum Ne Use Kyun Pala Hai
Kya Sher Bohat Na-laaiq Hai
Khala Ko Maar Nikala Hai
Ya Jangal Ke Raja Ke Yahan
Kya Milti Doodh Milai Nahi
Yeh Baat Samajh Mein Aayi Nahi
Kyun Lambe Baal Hain Bhalu Ke
Kyun Us Ki Tand Karai Nahi
Kya Woh Bhi Ganda Bachcha Hai
Ya Us Ke Abu Bhai Nahi
Yeh Us Ka Hair Style Hai
Ya Jangal Mein Koi Nai Nahi
Yeh Baat Samajh Mein Aayi Nahi
Jo Tare Jhalmal Karte Hain
Kya Un Ki Chachi Tai Nahi
Hoga Koi Rishta Suraj Se
Yeh Baat Humein Batlai Nahi
Yeh Chanda Kaisa Mama Hai
Jab Ammi Ka Woh Bhai Nahi
Yeh Baat Samajh Mein Aayi Nahi
