Faasle Na Barh Jayein, Faasle Ghatane Se
Nusrat Siddiqui
Faasle Na Barh Jayein, Faasle Ghatane Se
Aao Soch Lein Pehle Rabtay Barhane Se
Arsh Kanp Jata Tha Ek Dil Dukhane Se
Woh Zamana Achha Tha Aaj Ke Zamane Se
Khwahishen Nahin Marti, Khwahishen Dabhane Se
Aman Ho Nahin Sakta, Goliyan Chalane Se
Dekh Bhaal Kar Chalna Lazmi Sahi Lekin
Tajurbe Nahin Hote, Thokrein Na Khane Se
Ek Zulm Karta Hai, Ek Zulm Sehta Hai
Aap Ka Talluq Hai Kaun Se Gharane Se
Kitne Zakhm Chhalte Hain, Kitne Phool Khilte Hain
Gaah Tere Aane Se, Gaah Tere Jane Se
Karzaar-e-Hasti Mein Apna Dakhil Itna Hai
Hans Diye, Hansane Se; Ro Diye, Rulaane Se
Chhote Chhote Shehron Par Kyun Na Iktifa Kar Lein
Khetiyan Ujarti Hain, Bastiyan Basane Se
Zakhm Bhi Lagate Ho, Phool Bhi Khlate Ho
Kitne Kaam Lete Ho Ek Muskaraane Se
Aur Bhi Sanorta Hai, Aur Bhi Nikharta Hai
Jalwah-e-Rukh-e-Janaan Dekhne, Dikhane Se
Jab Talak Na Toote The Khair-o-Shar Ke Peimane
Woh Zamana Achha Tha Aaj Ke Zamane Se
Har Taraf Chiraghan Ho, Tab Kahin Ujala Ho
Aur Hum Greezaan Hain Ek Diya Jalaane Se
Chaand Aasmaan Ka Ho Ya Zameen Ka, Nusrat
Kaun Baaz Aata Hai Ungliyaan Uthane Se
فاصلے نہ بڑھ جائیں فاصلے گھٹانے سے
آؤ سوچ لیں پہلے رابطے بڑھانے سے
عرش کانپ جاتا تھا ایک دل دکھانے سے
وہ زمانہ اچھا تھا آج کے زمانے سے
خواہشیں نہیں مرتیں خواہشیں دبانے سے
امن ہو نہیں سکتا گولیاں چلانے سے
دیکھ بھال کر چلنا لازمی سہی لیکن
تجربے نہیں ہوتے ٹھوکریں نہ کھانے سے
ایک ظلم کرتا ہے ایک ظلم سہتا ہے
آپ کا تعلق ہے کون سے گھرانے سے
کتنے زخم چھلتے ہیں کتنے پھول کھلتے ہیں
گاہ تیرے آنے سے گاہ تیرے جانے سے
کارزار ہستی میں اپنا دخل اتنا ہے
ہنس دئے ہنسانے سے رو دئے رلانے سے
چھوٹے چھوٹے شہروں پر کیوں نہ اکتفا کر لیں
کھیتیاں اجڑتی ہیں بستیاں بسانے سے
زخم بھی لگاتے ہو پھول بھی کھلاتے ہو
کتنے کام لیتے ہو ایک مسکرانے سے
اور بھی سنورتا ہے اور بھی نکھرتا ہے
جلوۂ رخ جاناں دیکھنے دکھانے سے
جب تلک نہ ٹوٹے تھے خیر و شر کے پیمانے
وہ زمانہ اچھا تھا آج کے زمانے سے
ہر طرف چراغاں ہو تب کہیں اجالا ہو
اور ہم گریزاں ہیں اک دیا جلانے سے
چاند آسماں کا ہو یا زمین کا نصرتؔ
کون باز آتا ہے انگلیاں اٹھانے سے
نصرت صدیقی
Yahi Bohat Hai Ke Dil Us Ko Dhoond Laya Hai
Jab Bahaar Aayi To Sehra Ki Taraf Chal Nikla
