Tay Kar Na Saka Zeest Ke Zakhmon Ka Safar Bhi - Mohsin Naqvi

Tay Kar Na Saka Zeest Ke Zakhmon Ka Safar Bhi
Mohsin Naqvi

Tay Kar Na Saka Zeest Ke Zakhmon Ka Safar Bhi
Haalankeh Mera Dil Tha Shagofa Bhi Sharar Bhi

Utra Na Garebaan Mein Muqaddar Ka Sitara
Hum Log Lutaate Rahe Ashkon Ke Gahar Bhi

Haq Baat Pe Katti Hain To Katne Do Zabaanen
Jee Lenge Mere Yaar Ba Andaaz E Digar Bhi

Hairaan Na Ho Aaina Ki Tabinda Faza Par
Aa Dekh Zara Zakhm E Kaf E Aaina Gar Bhi

Sookhe Hue Patton Ko Udaane Ki Hawas Mein
Aandhi Ne Giraye Kai Sar Sabz Shajar Bhi

Woh Aag Jo Phaili Mere Daaman Ko Jala Kar
Us Aag Ne Phonka Mere Ahbaab Ka Ghar Bhi

Mohsin Yunhi Badnaam Hua Shaam Ka Malboos
Haalankeh Lahoo Rang Tha Daaman E Sehar Bhi

طے کر نہ سکا زیست کے زخموں کا سفر بھی
حالانکہ مِرا دِل تھا شگوفہ بھی شرر بھی

اُترا نہ گریباں میں مقدر کا ستارا
ہم لوگ لٹاتے رہے اشکوں کے گہر بھی

حق بات پہ کٹتی ہیں تو کٹنے دو زبانیں
جی لیں گے مِرے یار باندازِ دگر بھی

حیراں نہ ہو آئینہ کی تابندہ فضاپر
آ دیکھ ذرا زخمِ کفِ آئینہ گر بھی

سوکھے ہوئے پتوں کو اُڑانے کی ہوس میں
آندھی نے گِرائے کئی سر سبز شجر بھی

وہ آگ جو پھیلی میرے دامن کو جلا کر
اُس آگ نے پھونکا میرے احباب کا گھر بھی

محسن یونہی بدنام ہوا شام کا ملبوس
حالانکہ لہو رنگ تھا دامانِ سحر بھی

Tay Kar Na Saka Zeest Ke Zakhmon Ka Safar Bhi – Mohsin Naqvi