Aisa Hai Keh Sab Khwab Musalsal Nahin Hote
Ahmad Faraz Poetry
Aisa Hai Keh Sab Khwab Musalsal Nahin Hote
Jo Aaj To Hote Hain Magar Kal Nahin Hote
Andar Ki Fazaon K Karishme Bhi Ajab Hain
Menah Toot K Barse Bhi To Badal Nahin Hote
Kuch Mushkilen Aisi Hain K Aasan Nahin Hotin
Kuch Aise Muamme Hain Kabhi Hal Nahin Hote
Shaistagi-e-Gham K Sabab Aankhon K Sehra
Namnak To Ho Jaate Hain Jal Thal Nahin Hote
Kaisy Hi Talatum Hon Magar Qulzum-e-Jaan Mein
Kuch Yaad Jazire Hain K Ojhal Nahin Hote
Ushaaq K Manind Kai Ahl-e-Havas Bhi
Pagal To Nazar Aate Hain Pagal Nahin Hote
Sab Khwahishen Pori Hon Faraz Aisa Nahin Hai
Jaise Kai Ashaar Mukammal Nahin Hote
ایسا ہے کہ سب خواب مسلسل نہیں ہوتے
جو آج تو ہوتے ہیں مگر کل نہیں ہوتے
اندر کی فضاؤں کے کرشمے بھی عجب ہیں
مینہ ٹوٹ کے برسے بھی تو بادل نہیں ہوتے
کچھ مشکلیں ایسی ہیں کہ آساں نہیں ہوتیں
کچھ ایسے معمے ہیں کبھی حل نہیں ہوتے
شائستگیٔ غم کے سبب آنکھوں کے صحرا
نمناک تو ہو جاتے ہیں جل تھل نہیں ہوتے
کیسے ہی تلاطم ہوں مگر قلزم جاں میں
کچھ یاد جزیرے ہیں کہ اوجھل نہیں ہوتے
عشاق کے مانند کئی اہل ہوس بھی
پاگل تو نظر آتے ہیں پاگل نہیں ہوتے
سب خواہشیں پوری ہوں فرازؔ ایسا نہیں ہے
جیسے کئی اشعار مکمل نہیں ہوتے
Read More:
Mirza Ghalib Poetry – Rahat Indori Poetry – Jaun Elia Poetry – Bashir Badr Poetry
