Un Ke Ek Jaan Nisar Hum Bhi Hain – Dagh Dehlvi

Un Ke Ek Jaan Nisar Hum Bhi Hain – Dagh Dehlvi

Un Ke Ek Jaan Nisar Hum Bhi Hain
Hain Jahaan So Hazaar Hum Bhi Hain

Tum Bhi Be Chain Hum Bhi Hain Be Chain
Tum Bhi Ho Be Qarar Hum Bhi Hain

Ae Falak Keh To Kya Iraada Hai
Aish Ke Khwaastgaar Hum Bhi Hain

Kheench Laaye Ga Jazb-E-Dil Un Ko
Hama Tan Intezaar Hum Bhi Hain

Bazm-E-Dushman Mein Le Chala Hai Dil
Kaise Be Ikhtiyaar Hum Bhi Hain

Sheher Khaali Kiye Dukaan Kaisi
Ek Hi Baadah Khaar Hum Bhi Hain

Sharm Samjhe Tere Taghaful Ko
Waah Kya Hoshiyaar Hum Bhi Hain

Haath Hum Se Milaao Ae Moosa
Aashiq Rooy-E-Yaar Hum Bhi Hain

Khwahish Baadah-E-Tohoor Nahin
Kaise Parhezgaar Hum Bhi Hain

Tum Agar Apni Goon Ke Ho Mashooq
Apne Matlab Ke Yaar Hum Bhi Hain

Jis Ne Chaaha Phansa Liya Hum Ko
Dilbaron Ke Shikaar Hum Bhi Hain

Aayi Mai Khane Se Ye Kis Ki Sada
Lao Yaaron Ke Yaar Hum Bhi Hain

Le Hi To Le Gi Dil Nigaah Teri
Har Tarah Hoshiyaar Hum Bhi Hain

Idhar Aa Kar Bhi Fateha Parh Lo
Aaj Zair-E-Mazaar Hum Bhi Hain

Ghair Ka Haal Poochhiye Hum Se
Us Ke Jalse Ke Yaar Hum Bhi Hain

Kaun Sa Dil Hai Jis Mein Daagh Nahin
Ishq Mein Yaadgaar Hum Bhi Hain

ان کے اک جاں نثار ہم بھی ہیں
ہیں جہاں سو ہزار ہم بھی ہیں

تم بھی بے چین ہم بھی ہیں بے چین
تم بھی ہو بے قرار ہم بھی ہیں

اے فلک کہہ تو کیا ارادہ ہے
عیش کے خواست گار ہم بھی ہیں

کھینچ لائے گا جذب دل ان کو
ہمہ تن انتظار ہم بھی ہیں

بزم دشمن میں لے چلا ہے دل
کیسے بے اختیار ہم بھی ہیں

شہر خالی کئے دکاں کیسی
ایک ہی بادہ خوار ہم بھی ہیں

شرم سمجھے ترے تغافل کو
واہ کیا ہوشیار ہم بھی ہیں

ہاتھ ہم سے ملاؤ اے موسیٰ
عاشق روئے یار ہم بھی ہیں

خواہش بادۂ طہور نہیں
کیسے پرہیزگار ہم بھی ہیں

تم اگر اپنی گوں کے ہو معشوق
اپنے مطلب کے یار ہم بھی ہیں

جس نے چاہا پھنسا لیا ہم کو
دلبروں کے شکار ہم بھی ہیں

آئی مے خانے سے یہ کس کی صدا
لاؤ یاروں کے یار ہم بھی ہیں

لے ہی تو لے گی دل نگاہ تری
ہر طرح ہوشیار ہم بھی ہیں

ادھر آ کر بھی فاتحہ پڑھ لو
آج زیر مزار ہم بھی ہیں

غیر کا حال پوچھئے ہم سے
اس کے جلسے کے یار ہم بھی ہیں

کون سا دل ہے جس میں داغؔ نہیں
عشق میں یادگار ہم بھی ہیں

Hairaan Hoon Ke Ye Kaun Sa Dastoor-E-Wafa Hai – Ghazal
Aag Lehraa Ke Chal Rahe Ho Ise Aanchal Kar Do – Bashir Badr