Dekh Letay Ho Mohabbat Se Yehi Kaafi Hai
Poet: Badr Munir
Dekh Letay Ho Mohabbat Se Yehi Kaafi Hai
Dil Dharkta Hai Sahulat Se Yehi Kaafi Hai
Mudaton Se Nahin Dekha Tera Jalwa Lekin
Yaad Aa Jaate Ho Shiddat Se Yehi Kaafi Hai
Jo Bhi Raste Mein Guzarta Hai Mere Pehlu Se
Dekhta Hai Teri Nisbat Se Yehi Kaafi Hai
Mere Aangan Mein Utarta Nahin Woh Chaand Kabhi
Dekh Letay Hain Use Chhat Se Yehi Kaafi Hai
Saari Duniya Se Uljhtay Hain Magar Tera Kaha
Maan Letay Hain Sharaafat Se Yehi Kaafi Hai
Haal Duniya Ke Sataaye Hue Kuch Logon Ka
Poochh Letay Ho Sharaarat Se Yehi Kaafi Hai
Kya Hua Hum Ko Mayassar Jo Zar O Maal Nahin
Kat Rahi Hai Bari Izzat Se Yehi Kaafi Hai
Aaj Ke Ehd-E-Taghaful Mein Kisi Dar Pe Muneer
Koi Aa Jaaye Zarurat Se Yehi Kaafi Hai
دیکھ لیتے ہو محبت سے یہی کافی ہے
دل دھڑکتا ہے سہولت سے یہی کافی ہے
مدتوں سے نہیں دیکھا ترا جلوہ لیکن
یاد آ جاتے ہو شدت سے یہی کافی ہے
جو بھی رستے میں گزرتا ہے مرے پہلو سے
دیکھتا ہے تری نسبت سے یہی کافی ہے
میرے آنگن میں اترتا نہیں وہ چاند کبھی
دیکھ لیتے ہیں اسے چھت سے یہی کافی ہے
ساری دنیا سے الجھتے ہیں مگر تیرا کہا
مان لیتے ہیں شرافت سے یہی کافی ہے
حال دنیا کے ستائے ہوئے کچھ لوگوں کا
پوچھ لیتے ہو شرارت سے یہی کافی ہے
کیا ہوا ہم کو میسر جو زر و مال نہیں
کٹ رہی ہے بڑی عزت سے یہی کافی ہے
آج کے عہد تغافل میں کسی در پہ منیرؔ
کوئی آ جائے ضرورت سے یہی کافی ہے
