Ghazal – Ab Ahl-E-Dard Yeh Jeene Ka Ahtimaam Karein
Poet: Majrooh Sultanpuri
Ab Ahl-E-Dard Yeh Jeene Ka Ahtimaam Karein
Use Bhula Ke Gham-E-Zindagi Ka Naam Karein
Fareb Kha Ke In Aankhon Ka Kab Talak Ae Dil
Sharaab-E-Khaam Piyein Raqs-E-Na-Tamaam Karein
Gham-E-Hayat Ne Aawara Kar Diya Warna
Thi Aarzu Ke Tere Dar Pe Subh-O-Shaam Karein
Na Maangoon Baad-E-Gulgoon Se Bheek Masti Ki
Agar Tere Lab-E-La’lain Mera Yeh Kaam Karein
Na Dekhein Dair-O-Haram Soye Rehrawan-E-Hayat
Yeh Qafile To Na Jaane Kahan Qayaam Karein
Hain Is Kashakash-E-Peham Mein Zindagi Ke Maze
Phir Ek Baar Koi Sa’y-E-Na-Tamaam Karein
Sikhayein Dast-E-Talab Ko Adaaye Bebaaki
Payaam-E-Zairlabi Ko Sadaaye Aam Karein
Ghulaam Reh Chuke Todein Yeh Band-E-Ruswai
Kuch Apne Baazu-E-Mehnat Ka Ehteraam Karein
Zameen Ko Mil Ke Sanwarein Misaal-E-Rukh-E-Nigaar
Rukh-E-Nigaar Se Roshan Chiraagh-E-Baam Karein
Phir Uth Ke Garam Karein Karobaar-E-Zulf-O-Junoon
Phir Apne Saath Use Bhi Aseer-E-Daam Karein
Meri Nigaah Mein Hai Arz-E-Moscow Majrooh
Woh Sarzameen Ke Sitaare Jise Salaam Karein
اب اہل درد یہ جینے کا اہتمام کریں
اسے بھلا کے غم زندگی کا نام کریں
فریب کھا کے ان آنکھوں کا کب تلک اے دل
شراب خام پئیں رقص نا تمام کریں
غم حیات نے آوارہ کر دیا ورنہ
تھی آرزو کہ ترے در پہ صبح و شام کریں
نہ مانگوں بادۂ گلگوں سے بھیک مستی کی
اگر ترے لب لعلیں مرا یہ کام کریں
نہ دیکھیں دیر و حرم سوئے رہروان حیات
یہ قافلے تو نہ جانے کہاں قیام کریں
ہیں اس کشاکش پیہم میں زندگی کے مزے
پھر ایک بار کوئی سعئ نا تمام کریں
سکھائیں دست طلب کو ادائے بیباکی
پیام زیرلبی کو صلائے عام کریں
غلام رہ چکے توڑیں یہ بند رسوائی
کچھ اپنے بازوئے محنت کا احترام کریں
زمیں کو مل کے سنواریں مثال روئے نگار
رخ نگار سے روشن چراغ بام کریں
پھر اٹھ کے گرم کریں کاروبار زلف و جنوں
پھر اپنے ساتھ اسے بھی اسیر دام کریں
مری نگاہ میں ہے ارض ماسکو مجروحؔ
وہ سرزمیں کہ ستارے جسے سلام کریں
