Kabhi Khak Hue Un Qadmon Ki
Kabhi Khak Hue Un Qadmon Ki, Kabhi Dil Ko Bichha Kar Raqs Kiya
Use Dekha Khud Ko Bhool Gaye, Lehra Lehra Kar Raqs Kiya
Tere Hijr Ki Aag Mein Jalte The, Hum Angaron Par Chalte The
Kabhi Tapti Ret Pe Naache Hum, Kabhi Khud Ko Jala Kar Raqs Kiya
Kya Khoob Maza Tha Jeene Mein, Ek Zakhm Chhupa Tha Seene Mein
Us Zakhm Ko Khurcha Nakhun Se, Aur Khoon Baha Kar Raqs Kiya
Woh Jab Na Mila Mehrabon Mein, Jise Dhoondh Rahe The Khwabon Mein
Sajde Se Uthaya Sar Apna, Aur Hath Utha Kar Raqs Kiya
Kabhi Thamti Hai Kabhi Chadhti Hai, Meri Masti Ghat’ti Badhti Hai
Kabhi Khamoshi Kabhi Jhoom Liye, Kabhi Shor Macha Kar Raqs Kiya
Sab Basti Jangal Ho Aaye, Masti Mein Maqtal Ho Aaye
Wahan Jang Ladi Khud Se Humne, Aur Tegh Chala Kar Raqs Kiya
Kahin Mera Khuda Na Paid Nahin, Kisi Khas Jagah Ki Qaid Nahin
Tasbih Padhi But-Khane Mein, Mehrab Mein Aakar Raqs Kiya
کبھی خاک ہوئے ان قدموں کی، کبھی دل کو بچھا کر رقص کیا
اسے دیکھا خود کو بھول گئے، لہرا لہرا کر رقص کیا
ترے ہجر کی آگ میں جلتے تھے، ہم انگاروں پر چلتے تھے
کبھی تپتی ریت پہ ناچے ہم، کبھی خود کو جلا کر رقص کیا
کیا خوب مزا تھا جینے میں، اک زخم چھپا تھا سینے میں
اس زخم کو کھرچا ناخن سے اور خون بہا کر رقص کیا
وہ جب نہ ملا محرابوں میں جسے ڈھونڈ رہے تھے خوابوں میں
سجدے سے اٹھایا سر اپنا اور ہاتھ اٹھا کر رقص کیا
کبھی تھمتی ہے کبھی چڑھتی ہے مری مستی گھٹتی بڑھتی ہے
کبھی خاموشی کبھی جھوم لئے کبھی شور مچا کر رقص کیا
سب بستی جنگل ہو آئے، مستی میں مقتل ہو آئے
وہاں جنگ لڑی خود سے ہم نے اورتیغ چلا کر رقص کیا
کہیں میرا خدا ناپید نہیں، کسی خاص جگہ کی قید نہیں
تسبیح پڑھی بت خانے میں، محراب میں آکر رقص کیا
عارف امام
