Niyyat-e-Shaoq Bhar Na Jaaye Kahin
Nasir Kazmi
Niyyat-e-Shaoq Bhar Na Jaaye Kahin
Tu Bhi Dil Se Utar Na Jaaye Kahin
Aaj Dekha Hai Tujh Ko Der Ke Baad
Aaj Ka Din Guzar Na Jaaye Kahin
Na Mila Kar Udaas Logon Se
Husn Tera Bikhar Na Jaaye Kahin
Aarzoo Hai Ke Tu Yahan Aaye
Aur Phir Umar Bhar Na Jaaye Kahin
Jee Jalata Hoon Aur Sochta Hoon
Raayigaan Yeh Hunar Na Jaaye Kahin
Aao Kuch Dair Ro Hi Lein Nasir
Phir Yeh Darya Utar Na Jaaye Kahin
نیت شوق بھر نہ جائے کہیں
تو بھی دل سے اتر نہ جائے کہیں
آج دیکھا ہے تجھ کو دیر کے بعد
آج کا دن گزر نہ جائے کہیں
نہ ملا کر اداس لوگوں سے
حسن تیرا بکھر نہ جائے کہیں
آرزو ہے کہ تو یہاں آئے
اور پھر عمر بھر نہ جائے کہیں
جی جلاتا ہوں اور سوچتا ہوں
رائیگاں یہ ہنر نہ جائے کہیں
آؤ کچھ دیر رو ہی لیں ناصرؔ
پھر یہ دریا اتر نہ جائے کہیں
Ghamza Nahi Hota Ke Ishara Nahi Hota – Akbar Allahabadi
Dil Ki Deewana Tabiyat Ko Museebat Na Bana – Urdu Poetry
Ghazal – Ab Ahl-E-Dard Yeh Jeene Ka Ahtimaam Karein
