Tere Aanay Ka Dhoka Sa Raha Hai

Tere Aanay Ka Dhoka Sa Raha Hai
Diya Sa Raat Bhar Jalta Raha Hai

Ajab Hai Raat Se Aankhon Ka Aalam
Yeh Darya Raat Bhar Charhta Raha Hai

Suna Hai Raat Bhar Barsa Hai Badal
Magar Woh Shehar Jo Pyaasa Raha Hai

Woh Koi Dost Tha Achay Dino Ka
Jo Pichhli Raat Se Yaad Aa Raha Hai

Kise Dhoondoge In Galiyon Mein Nasir
Chalo Ab Ghar Chalein Din Ja Raha Hai

ترے آنے کا دھوکا سا رہا ہے
دیا سا رات بھر جلتا رہا ہے

عجب ہے رات سے آنکھوں کا عالم
یہ دریا رات بھر چڑھتا رہا ہے

سنا ہے رات بھر برسا ہے بادل
مگر وہ شہر جو پیاسا رہا ہے

وہ کوئی دوست تھا اچھے دنوں کا
جو پچھلی رات سے یاد آ رہا ہے

کسے ڈھونڈوگے ان گلیوں میں ناصرؔ
چلو اب گھر چلیں دن جا رہا ہے

Tere Aanay Ka Dhoka Sa Raha Hai – Nasir Kazmi