Woh Dekhnay Mujhe Aana To Chahta Hoga – Habib Jalib

Woh Dekhnay Mujhe Aana To Chahta Hoga
Habib Jalib

Woh Dekhnay Mujhe Aana To Chahta Hoga
Magar Zamane Ki Baaton Se Dar Gaya Hoga

Usay Tha Shoq Bohat Mujh Ko Acha Rakhne Ka
Yeh Shoq Auron Ko Shayad Bura Laga Hoga

Kabhi Na Had Adab Se Barray Thay Deedah O Dil
Woh Mujh Se Kis Liye Kis Baat Par Khafa Hoga

Mujhe Gumaan Hai Yeh Bhi Yaqeen Ki Had Tak
Kisi Se Bhi Na Woh Meri Tarah Mila Hoga

Kabhi Kabhi To Sitaaron Ki Chhaon Mein Woh Bhi
Mere Khayal Mein Kuch Der Jaagta Hoga

Woh Us Ka Saadah O Masoom Walehana Pan
Kisi Bhi Jag Mein Koi Devta Bhi Kya Hoga

Nahin Woh Aaya To Jaalib Gila Na Kar Us Ka
Na Jaane Kya Usay Darpesh Masla Hoga

وہ دیکھنے مجھے آنا تو چاہتا ہوگا
مگر زمانے کی باتوں سے ڈر گیا ہوگا

اسے تھا شوق بہت مجھ کو اچھا رکھنے کا
یہ شوق اوروں کو شاید برا لگا ہوگا

کبھی نہ حد ادب سے بڑھے تھے دیدہ و دل
وہ مجھ سے کس لیے کس بات پر خفا ہوگا

مجھے گمان ہے یہ بھی یقین کی حد تک
کسی سے بھی نہ وہ میری طرح ملا ہوگا

کبھی کبھی تو ستاروں کی چھاؤں میں وہ بھی
مرے خیال میں کچھ دیر جاگتا ہوگا

وہ اس کا سادہ و معصوم والہانہ پن
کسی بھی جگ میں کوئی دیوتا بھی کیا ہوگا

نہیں وہ آیا تو جالبؔ گلہ نہ کر اس کا
نہ جانے کیا اسے درپیش مسئلہ ہوگا