Teri Gali Se Jab Hum Azm-e-Safar Karein Ge

‘Teri Gali Se Jab Hum Azm-e-Safar Karein Ge
Har Har Qadam Ke Ooper Pathar Jigar Karein Ge

Aazurdah Khatiron Se Kya Faida Sukhan Ka
Tum Harf Sar Karoge Hum Giriya Sar Karein Ge

Uzr-e-Gunah-e-Khuban Badtar Guneh Se Hoga
Karte Hue Talaafi Be-Lutf Tar Karein Ge

Sar Jaye Ga Walikin Aankhein Idhar Hi Hon Gi
Kya Teri Tegh Se Hum Qat-e-Nazar Karein Ge

Apni Khabar Bhi Hum Ko Ab Der Pohanchti Hai
Kya Jaane Yaar Us Ko Kab Tak Khabar Karein Ge

Gar Dil Ki Taab-o-Taqat Yeh Hai To Humnasheen Hum
Shaam-e-Gham-e-Judai Kyunkar Sahar Karein Ge

Yeh Zulm Be-Nihayat Dekho To Khoob Royaan
Kehte Hain Jo Sitam Hai Hum Tujh Hi Par Karein Ge

Apne Bhi Jee Hai Aakhir Insaaf Kar Ke Kab Tak
Tu Yeh Sitam Kare Ga Hum Darguzar Karein Ge

Sanaa’e Tarfa Hain Hum Aalam Mein Rekhte Ke
Jo Mir Ji Lage Ga To Sab Hunar Karein Ge

تیری گلی سے جب ہم عزم سفر کریں گے
ہر ہر قدم کے اوپر پتھر جگر کریں گے

آزردہ خاطروں سے کیا فائدہ سخن کا
تم حرف سر کرو گے ہم گریہ سر کریں گے

عذر گناہ خوباں بد تر گنہ سے ہوگا
کرتے ہوئے تلافی بے لطف تر کریں گے

سر جائے گا ولیکن آنکھیں ادھر ہی ہوں گی
کیا تیری تیغ سے ہم قطع نظر کریں گے

اپنی خبر بھی ہم کو اب دیر پہنچتی ہے
کیا جانے یار اس کو کب تک خبر کریں گے

گر دل کی تاب و طاقت یہ ہے تو ہم نشیں ہم
شام غم جدائی کیونکر سحر کریں گے

یہ ظلم بے نہایت دیکھو تو خوب رویاں
کہتے ہیں جو ستم ہے ہم تجھ ہی پر کریں گے

اپنے بھی جی ہے آخر انصاف کر کہ کب تک
تو یہ ستم کرے گا ہم درگزر کریں گے

صناع طرفہ ہیں ہم عالم میں ریختے کے
جو میرؔ جی لگے گا تو سب ہنر کریں گے

Teri Gali Se Jab Hum Azm-e-Safar Karein Ge – Mir Taqi Mir