Tu Bhi Chup Hai Main Bhi Chup Hoon
Jaun Elia Poetry
Tu Bhi Chup Hai Main Bhi Chup Hoon Yeh Kaisi Tanhaai Hai
Tere Saath Teri Yaad Aayi Kya To Sach Much Aayi Hai
Shaayad Woh Din Pehla Din Tha Palkein Bojhal Hone Ka
Mujh Ko Dekhte Hi Jab Us Ki Angdaai Sharmaayi Hai
Us Din Pehli Baar Hua Tha Mujh Ko Rifaquat Ka Ehsaas
Jab Us Ke Malboos Ki Khushboo Ghar Pohchane Aayi Hai
Husn Se Arz Shoq Na Karna Husn Ko Zak Pohchana Hai
Hum Ne Arz Shoq Na Kar Ke Husn Ko Zak Pohchaayi Hai
Hum Ko Aur To Kuch Nahin Soojha Albata Us Ke Dil Mein
Soz Raqabat Paida Kar Ke Us Ki Neend Udaayi Hai
Hum Dono Mil Kar Bhi Dilon Ki Tanhaai Mein Bhatkenge
Paagal Kuch To Soch Yeh To Ne Kaisi Shakal Banayi Hai
Ishq Pichaan Ki Sandal Par Jane Kis Din Bel Chade
Kiari Mein Pani Thehra Hai Deewaron Par Kaai Hai
Husn Ke Jane Kitne Chehre Husn Ke Jane Kitne Naam
Ishq Ka Pesha Husn Parasti Ishq Bara Harjaai Hai
Aaj Bohat Din Baad Main Apne Kamre Tak Aa Nikla Tha
Joon Hi Darwaza Khola Hai Us Ki Khushboo Aayi Hai
Ek To Itna Habs Hai Phir Main Saansen Roke Baitha Hoon
Weerani Ne Jhaadu De Ke Ghar Mein Dhool Udaayi Hai
تو بھی چپ ہے میں بھی چپ ہوں یہ کیسی تنہائی ہے
تیرے ساتھ تری یاد آئی کیا تو سچ مچ آئی ہے
شاید وہ دن پہلا دن تھا پلکیں بوجھل ہونے کا
مجھ کو دیکھتے ہی جب اس کی انگڑائی شرمائی ہے
اس دن پہلی بار ہوا تھا مجھ کو رفاقت کا احساس
جب اس کے ملبوس کی خوشبو گھر پہنچانے آئی ہے
حسن سے عرض شوق نہ کرنا حسن کو زک پہنچانا ہے
ہم نے عرض شوق نہ کر کے حسن کو زک پہنچائی ہے
ہم کو اور تو کچھ نہیں سوجھا البتہ اس کے دل میں
سوز رقابت پیدا کر کے اس کی نیند اڑائی ہے
ہم دونوں مل کر بھی دلوں کی تنہائی میں بھٹکیں گے
پاگل کچھ تو سوچ یہ تو نے کیسی شکل بنائی ہے
عشق پیچاں کی صندل پر جانے کس دن بیل چڑھے
کیاری میں پانی ٹھہرا ہے دیواروں پر کائی ہے
حسن کے جانے کتنے چہرے حسن کے جانے کتنے نام
عشق کا پیشہ حسن پرستی عشق بڑا ہرجائی ہے
آج بہت دن بعد میں اپنے کمرے تک آ نکلا تھا
جوں ہی دروازہ کھولا ہے اس کی خوشبو آئی ہے
ایک تو اتنا حبس ہے پھر میں سانسیں روکے بیٹھا ہوں
ویرانی نے جھاڑو دے کے گھر میں دھول اڑائی ہے
Dil Jal Raha Tha Gham Se Magar Naghma Gir Raha – Munir
Hum Ko Mita Sake Ye Zamane Mein Dum Nahi – Jigar Muradabadi
