Hogaye Din Jinhein Bhulaye Hue - Urdu Ghazal

Hogaye Din Jinhein Bhulaye Hue
Aaj Kal Hain Woh Yaad Aaye Hue

Main Ne Raatein Bohat Guzari Hain
Sirf Dil Ka Diya Jalaaye Hue

Ek Usi Shakhs Ka Nahin Mazkoor
Hum Zamane Ke Hain Sataye Hue

Sone Aate Hain Log Basti Mein
Saare Din Ke Thake Thakaye Hue

Muskuraye Baghair Bhi Woh Hont
Nazar Aate Hain Muskuraye Hue

Go Falak Pe Nahin, Palak Pe Sahi
Do Sitare Hain Jagmagaye Hue

Alvidaai Maqaam Tak Aaye
Hum Nazar Se Nazar Milaye Hue

Ai Shaoor Aur Koi Baat Karo
Hain Yeh Qissay Sune Sunaye Hue

ہوگئے دن جنہیں بھلائے ہوئے
آج کل ہیں وہ یاد آئے ہوئے

میں نے راتیں بہت گزاری ہیں
صرف دل کا دیا جلائے ہوئے

ایک اُسی شخص کا نہیں مذکور
ہم زمانے کے ہیں ستائے ہوئے

سونے آتے ہیں لوگ بستی میں
سارے دن کے تھکے تھکائے ہوئے

مسکرائے بغیر بھی وہ ہونٹ
نظر آتے ہیں مسکرائے ہوئے

گو فلک پہ نہیں، پلک پہ سہی
دو ستارے ہیں جگمگائے ہوئے

الوداعی مقام تک آئے
ہم نظر سے نظر ملائے ہوئے

اے شعورؔ اور کوئی بات کرو
ہیں یہ قصّے سُنے سنائے ہوئے

انور شعورؔ

Hogaye Din Jinhein Bhulaye Hue – Urdu Ghazal