Ajnabi Sheher Mein Ulfat Ki Nazar Ko Tarse

Ajnabi Sheher Mein Ulfat Ki Nazar Ko Tarse
Shaam Dhal Jaaye To Rahgeer Bhi Ghar Ko Tarse

Khaali Jholi Liye Phirta Hai Jo Aivaanon Mein
Mera Shafaaf Hunar Arz-E-Hunar Ko Tarse

Jis Jagah Hum Ne Jalaaye The Wafaon Ke Diye
Phir Usi Gaah Pe Dil Daar Nazar Ko Tarse

Meri Be Khwaab Nigaahen Hain Samandar Shab Hai
Waqt Tham Tham Ke Jo Guzre Hai Sahar Ko Tarse

Jaane Hum Kis Se Mukhaatib Hain Bhari Mehfil Mein
Baat Dil Mein Jo Na Utre Hai Asar Ko Tarse

Kitne Mausam Hain Ke Chup Chaap Guzar Jaate Hain
Tere Aane Ka Dilaasa Hai Khabar Ko Tarse

Shabnami Raakh Bichi Hai Mere Armaanon Ki
Naqsh-E-Paa Tere Kisi Khaak Basar Ko Tarse

اجنبی شہر میں الفت کی نظر کو ترسے
شام ڈھل جائے تو رہ گیر بھی گھر کو ترسے

خالی جھولی لیے پھرتا ہے جو ایوانوں میں
میرا شفاف ہنر عرض ہنر کو ترسے

جس جگہ ہم نے جلائے تھے وفاؤں کے دیئے
پھر اسی گاہ پہ دل دار نظر کو ترسے

میری بے خواب نگاہیں ہیں سمندر شب ہے
وقت تھم تھم کے جو گزرے ہے سحر کو ترسے

جانے ہم کس سے مخاطب ہیں بھری محفل میں
بات دل میں جو نہ اترے ہے اثر کو ترسے

کتنے موسم ہیں کہ چپ چاپ گزر جاتے ہیں
تیرے آنے کا دلاسہ ہے خبر کو ترسے

شبنمی راکھ بچھی ہے مرے ارمانوں کی
نقش پا تیرے کسی خاک بسر کو ترسے

اجنبی شہر میں الفت کی نظر کو ترسے - شائستہ مفتی