اپنی آنکھوں کو امیدوں سے سجائے رکھنا
جلتی راتوں میں کوئی خواب بچائے رکھنا
لوٹ کر آؤں گا پھر گاؤں تمہارے اک دن
اپنے دروازے پہ اک دیپ جلائے رکھنا
اجنبی جان کے پتھر نہ سواگت کو بڑھیں
اپنی گلیوں کو مرا نام بتائے رکھنا
سونے ساون میں ستائے گی بہت پروائی
درد کو دل میں مگر اپنے دبائے رکھنا
ہجر کی تیرہ شبی ٹھہری ہے تقدیر وصال
میری یادوں کے ستاروں کو جگائے رکھنا
خوش نقابی کا بھرم ٹوٹنے پائے نہ کمالؔ
غم کو ہونٹوں کے تبسم میں چھپائے رکھنا
Apni Aankhon Ko Umeedon Se Sajaaye Rakhna
Jalti Raaton Mein Koi Khwaab Bachaaye Rakhna
Laut Kar Aaunga Phir Gaon Tumhaare Ek Din
Apne Darwaaze Pe Ek Deep Jalaaye Rakhna
Ajnabi Jaan Ke Patthar Na Sawaagat Ko Barhein
Apni Galiyon Ko Mera Naam Bataaye Rakhna
Sone Saawan Mein Sataayegi Bohat Parwaai
Dard Ko Dil Mein Magar Apne Dabaaye Rakhna
Hijr Ki Teerah Shabi Thehri Hai Taqdeer-E-Wisaal
Meri Yaadon Ke Sitaaron Ko Jagaaye Rakhna
Khush Naqaabi Ka Bharam Tootne Paaye Na Kamaal
Gham Ko Honton Ke Tabassum Mein Chhupaaye Rakhna
Rahiye Ab Aisi Jagah Chal Kar Jahan Koi Na Ho – Ghalib
Acha Tumhare Shehar Ka Dastoor Ho Gaya – Bashir Badr
Ghazal Pa Ba Gul Sab Hain Rahai Ki Kare Tadbeer Kaun
