Sab Kar Lena, Lamhe Zaya Mat Karna
Ghalat Jagah Par Jazbay Zaya Mat Karna
Jin Ki Aankhein Pyari, Baatein Jhooti Hon
Un Ki Khatir Sapnay Zaya Mat Karna
Saada Hoon, Aur Brands Pasand Nahin Mujh Ko
Mujh Par Apnay Paisay Zaya Mat Karna
Jin Logon Ko Khamoshi Ki Qadar Na Ho
Un Logon Par Lehjay Zaya Mat Karna
Ishq To Niyat Ki Sachai Dekhta Hai
Dil Na Jhukay To Sajday Zaya Mat Karna
Yaad Ka Yeh Darwaza Band Na Karna Dost
Meray Khat Aur Tohfay Zaya Mat Karna
Rozi Roti Des Mein Bhi Mil Jaye Gi
Door Bhej Kar Rishtay Zaya Mat Karna
سب کر لینا، لمحے ضائع مت کرنا
غلط جگہ پر جذبے ضائع مت کرنا
جن کی آنکھیں پیاری، باتیں جھوٹی ہوں
ان کی خاطر سپنے ضائع مت کرنا
سادہ ہوں، اور برینڈز پسند نہیں مجھ کو
مجھ پر اپنے پیسے ضائع مت کرنا
جن لوگوں کو خاموشی کی قدر نہ ہو
ان لوگوں پر لہجے ضائع مت کرنا
عشق تو نیت کی سچائی دیکھتا ہے
دل نہ جھکے تو سجدے ضائع مت کرنا
یاد کا یہ دروازہ بند نہ کرنا دوست
میرے خط اور تحفے ضائع مت کرنا
روزی روٹی دیس میں بھی مل جائے گی
دور بھیج کے رشتے ضائع مت کرنا
