Ashk Rawan Ki Nehar Hai Aur Hum Hain Dosto
Munir Niazi Poetry
Ashk Rawan Ki Nehar Hai Aur Hum Hain Dosto
Is Bewafa Ka Shehar Hai Aur Hum Hain Dosto
Yeh Ajnabi Si Manzilein Aur Raftagaan Ki Yaad
Tanhaaiyon Ka Zehar Hai Aur Hum Hain Dosto
Lai Hai Ab Ura Ke Gaye Mausamon Ki Baas
Barkha Ki Rut Ka Qahar Hai Aur Hum Hain Dosto
Phirte Hain Masal-e-Mauj Hawa Shehar Shehar Mein
Awaargi Ki Lehar Hai Aur Hum Hain Dosto
Shaam-e-Alam Dhali To Chali Dard Ki Hawa
Raaton Ki Pichla Pehar Hai Aur Hum Hain Dosto
Aankhon Mein Ur Rahi Hai Luti Mehfilon Ki Dhool
Ibrat Saraye-e-Dahr Hai Aur Hum Hain Dosto
اشک رواں کی نہر ہے اور ہم ہیں دوستو
اس بے وفا کا شہر ہے اور ہم ہیں دوستو
یہ اجنبی سی منزلیں اور رفتگاں کی یاد
تنہائیوں کا زہر ہے اور ہم ہیں دوستو
لائی ہے اب اڑا کے گئے موسموں کی باس
برکھا کی رت کا قہر ہے اور ہم ہیں دوستو
پھرتے ہیں مثل موج ہوا شہر شہر میں
آوارگی کی لہر ہے اور ہم ہیں دوستو
شام الم ڈھلی تو چلی درد کی ہوا
راتوں کی پچھلا پہر ہے اور ہم ہیں دوستو
آنکھوں میں اڑ رہی ہے لٹی محفلوں کی دھول
عبرت سرائے دہر ہے اور ہم ہیں دوستو
