Guftagu Achhi Lagi Zauq-e-Nazar Acha Laga - Faraz

Guftagu Achhi Lagi Zauq-e-Nazar Acha Laga
Muddaton Ke Baad Koi Humsafar Acha Laga

Dil Ka Dukh Jaana To Dil Ka Masla Hai Par Humein
Us Ki Hans Dena Hamare Haal Par Acha Laga

Par Tarah Ki Be-Sar o Samanion Ke Bawajood
Aaj Woh Aaya To Mujh Ko Apna Ghar Acha Laga

Baghbaan Gulchin Ko Chahe Jo Kahe Hum Ko To Phool
Shaakh Se Barh Kar Kaf-e-Dildar Par Acha Laga

Kaun Maqtal Mein Na Pahuncha Kaun Zaalim Tha Jise
Tegh-e-Qaatil Se Zyada Apna Sar Acha Laga

Hum Bhi Qail Hain Wafa Mein Ustawari Ke Magar
Koi Poochhe Kaun Kis Ko Umar Bhar Acha Laga

Apni Apni Chaahatein Hain Log Ab Jo Bhi Kahein
Aik Pari Paikar Ko Aik Aashufta Sar Acha Laga

Meer Ke Manind Aksar Zeest Karta Tha Faraz
Tha To Woh Deewana Sa Shaair Magar Acha Laga

گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں
اُس کی ہنس دینا ہمارے حال پر اچھا لگا

پر طرح کی بے سرو سامانیوں کے باوجود
آج وہ آیا تو مجھ کو اپنا گھر اچھا لگا

باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا

ہم بھی قائل ہیں وفا میں اُستواری کے مگر
کوئی پوچھے کون کس کو عمر بھر اچھا لگا

اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا

میرؔ کے مانند اکثر زیست کرتا تھا فرازؔ
تھا تو وہ دیوانہ سا شاعر مگر اچھا لگا

Guftagu Achhi Lagi Zauq-e-Nazar Acha Laga – Faraz