Mohabbat Ki Rangeenian Chhor Aaye

Mohabbat Ki Rangeenian Chhor Aaye
Tere Shehar Mein Ek Jahan Chhor Aaye

Paharon Ki Woh Mast Shadaab Wadi
Jahan Hum Dil Naghma Khwan Chhor Aaye

Woh Sabza, Woh Darya, Woh Pedon Ke Saaye
Woh Geeton Bhari Bastiyan Chhor Aaye

Haseen Panghaton Ka Woh Chaandi Sa Paani
Woh Barkha Ki Rut, Woh Samaan Chhor Aaye

Bahut Door Hum Aa Gaye Is Gali Se
Bahut Door Woh Aastaan Chhor Aaye

Bahut Mehrbaan Thin Woh Gulposh Rahein
Magar Hum Unhein Mehrbaan Chhor Aaye

Bigolon Ki Soorat Yahan Phir Rahe Hain
Nasheman Sar Gulstaan Chhor Aaye

Yeh Ijaz Hai Husn-e-Awargi Ka
Jahan Bhi Gaye Daastan Chhor Aaye

Chale Aaye Un Reh Guzaron Se Jalib
Magar Hum Wahan Qalb-o-Jaan Chhor Aaye

Habib Jalib Poetry in Urdu Text

محبت کی رنگینیاں چھوڑ آئے
ترے شہر میں اک جہاں چھوڑ آئے

پہاڑوں کی وہ مست شاداب وادی
جہاں ہم دل نغمہ خواں چھوڑ آئے

وہ سبزہ وہ دریا وہ پیڑوں کے سائے
وہ گیتوں بھری بستیاں چھوڑ آئے

حسیں پنگھٹوں کا وہ چاندی سا پانی
وہ برکھا کی رت وہ سماں چھوڑ آئے

بہت دور ہم آ گئے اس گلی سے
بہت دور وہ آستاں چھوڑ آئے

بہت مہرباں تھیں وہ گلپوش راہیں
مگر ہم انہیں مہرباں چھوڑ آئے

بگولوں کی صورت یہاں پھر رہے ہیں
نشیمن سر گلستاں چھوڑ آئے

یہ اعجاز ہے حسن آوارگی کا
جہاں بھی گئے داستاں چھوڑ آئے

چلے آئے ان رہ گذاروں سے جالبؔ
مگر ہم وہاں قلب و جاں چھوڑ آئے

Mohabbat Ki Rangeenian Chhor Aaye – Habib Jalib Ghazal